Vikariat helsefagarbeidar i Heimetenesta

Om stillinga

Er du helsefagarbeidar og lurer på om heimetenesta i Sveio kan vere noko for deg?

Vert du motivert av varierte arbeidsoppgåver og spennande kvardagar, og trivst du med å utfordre deg sjølv og stadig lære noko nytt?

Då kan du bli ein del av ei arbeidsgruppe som brenn for å sjå den enkelte pasienten. Me søkjer etter deg som ønskjer å utgjere ein forskjell i andre menneske sine liv, og som har høg yrkesstoltheit og arbeider etter kvardagsrehabiliteringsprinsipp, men som òg er medviten om å gje menneske ein verdig slutt på livet.

I tillegg til ein variert og meiningsfull arbeidskvardag får du dei kjekkaste kollegaene med det beste humøret på Haugalandet. Me er kjende for å ha det kjekt på jobb, kose oss når me har høve til det, men òg strekkje oss langt for å hjelpe kvarandre når det trengst.

Me har ledig eit vikariat i 95 % frå dags dato til og med 15.08.2027

Arbeidsoppgåver

• Varierte oppgåver og stor breidde i behandlinga
• Vere ein pådrivar for å leggje til rette for, og bidra til, at brukarane opplever tryggleik og meistring
• Gje heilskapleg omsorg, inkludert personleg hygiene, påkleding, forflytting og trening
• Setje i verk førebyggjande og behandlande tiltak innan eige ansvars- og kompetanseområde
• Planleggje og gjennomføre målretta tiltak og aktivitetar for å fremje pasienten si meistringskjensle og livskvalitet
• Bruke elektronisk pasientjournal og dokumentere forhold ved pasienten og kva helsehjelp som blir gjeven

Kvalifikasjonar

• Autorisasjon som helsefagarbeidar
• Personlege eigenskapar vil bli vektlagde
• Erfaring frå arbeid i heimetenesta er ønskjeleg
• Tilfredsstillande politiattest i tråd med gjeldande lovverk
• Norsk er arbeidsspråk i Sveio kommune. Du snakkar, les og skriv så godt norsk at du kan samarbeide med andre og utføre arbeidsoppgåvene dine sjølvstendig

Personlege eigenskapar

• Har gode kommunikasjons- og samarbeidsevner
• Har evne til å arbeide sjølvstendig og i team
• Er lojal, punktleg og pliktoppfyllande
• Har fokus på kvalitet i tenesta
• Har gode haldningar og verdiar som set pasientane i sentrum
• Er fleksibel og løysingsorientert
• Ønskjer å bidra til eit godt arbeidsmiljø og ein god læreplass for elevar og studentar

Vi tilbyr

• Faste fagdagar og fagmøte
• Årsturnus over 52 veker med planlagd ferie, høgtid og helgearbeid
• Dyktige kollegaer og eit godt arbeidsmiljø
• God offentleg pensjonsordning
• Tilsetjing på vanlege kommunale vilkår
• Kommunale bilar
• Bedriftshelseteneste
• Gode forsikrings- og pensjonsordningar