ID 2423 Vernepleiar/sjukepleiar ved Sævarhagen avlastning og oppfølging - Førebyggjande tenester

Har du lyst å gjera ein skilnad i barn og unge sine liv? Då er dette stillinga for deg - bli med på laget vårt!

Sævarhagen avlastingsbustad gir tilbod til barn og unge med ulike funksjonsnedsetjingar. Brukarane mottek tenester etter individuelle vedtak etter Helse- og omsorgstenestelova. Arbeidet består i å skapa gode dagar gjennom eit fagleg og systematisk arbeid med kvart einskild barn og ungdom i samråd med føresette, ulike andre aktørar og ikkje minst dine gode kollega. Me har nye, flotte fasilitetar i Sævarhagen på Stord.

Det er ledig vikariat i 100% stilling i tidsrommet 01.03.26 -- 31.01.27 for vernepleiar/sjukepleiar, med moglegheit for forlenging.

Stillinga er i todelt turnus, arbeid 4. kvar helg med langvakter

Me ynskjer deg som:

• Har høgt engasjement for barn og unge, og gjerne erfaring med brukargruppa

• Har stor arbeidskapasitet og er fleksibel

• Vil vera med å ta ansvar og ha ulike koordinatoroppgåver for våre barn og ungdommar

• Som lyttar til barnet/ungdommen sin kommunikasjon med respekt og vil samhandla med barnet/ ungdommen til å løysa ulike oppgåver og utfordringar saman

• Som likar å vera ein lagspelar og arbeida systematisk saman med resten av laget rundt barnet

• Har kjennskap til, og helst erfaring, med alternativ supplerande kommunikasjon - ASK

• Du har gjerne interesse for bruk av musikk som eit miljøterapeutisk tiltak

Kvalifikasjonskrav:

• Norsk autorisasjon som vernepleiar eller sjukepleiar

• Gode norskkunnskapar både munnleg og skriftleg.

• Personlege eigenskapar vert vektlagt ved tilsetting.

• Ein må framlegge godkjent politiattest av ny dato ved tilsetjing.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Moglegheita til å vera med å forma framtida sitt avlastningstilbod i Stord kommune

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.