Aktivitetsvert for ferieaktivtetar i Vinje – Sommarjobb

Har du lyst til å bli med på å skape tidenes beste sommar i Vinje? Vinje kommune skal arrangere eit sommartilbod med gode og morosame aktivitetar for barn frå 5. til 10. klasse. Her blir det ikkje klasserom eller ringeklokke. Saman skapar me opplevingar, sosiale møte og minne for livet!

Arbeidsoppgåver

Som aktivitetsvert for ferieaktivitetar er du med i ei gruppe som lagar til morosame og spennande aktivitetar for barn og ungdom i 5.-10.-klasse i Vinje kommune. Me grillar, badar, syklar og reiser på tur til Sommarland i Bø. Me køyrer gokart, ser film, spelar fotball og gjer mange andre ting saman gjennom sommaren. Du som er aktivitetsvert er med på å finne på ting, og du hjelper til med å gjennomføre aktivitetar slik at dei er trygge, inkluderande og morosame.

Målet for ferieaktivitetane er at alle som er med skal få gode opplevingar, og hugse sommaren 2025 som ein skikkeleg bra sommar!

Kvalifikasjonar

Erfaring frå arbeid med barn og unge, til dømes:

• skule eller SFO
• fritidsklubb eller idrettslag, som trenar eller liknande

Utdanning innan barne- og ungdomsarbeid eller pedagogikk er eit pluss, men ikkje eit krav.

Personlege eigenskapar

• Har du fylt 18 år?
  
• Likar du å jobbe med barn og ungdom?
  
• Likar du å samarbeide?
  

Kan du svare ja på spørsmåla over kan du søkje på stilling som aktivitetsvert ved Vinje sommarskule.

I tillegg ynskjer me at du er

• trygg med barn og unge
• blid og omgjengeleg
• påliteleg

Har du peiling på surfing, dataspel, fjellklatring, filmskaping, rullebrett, sykling eller andre aktivitetar som er morosamt å drive med på sommaren? Har du fordjuping i fag som til dømes naturfag, friluftsliv, idrett og liknande, så er det eit pluss.

Vi tilbyr

• God forsikrings- og pensjonsordning.
• Ein morosam og spennande sommar, med varierte oppgåver og full fart!

Ved ny tilsetjing blir det stilt krav om politiattest, jf. opplæringslova §10-9. Attesten skal ikkje vera eldre enn 3 månadar og skal ikkje leverast med søknaden

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Kristian W. Rantala, Verksemdsleiar kultur og fritid, 94983823, kristian.rantala@vinje.kommune.no

Arbeidsstad

Vinjevegen 192
3890 Vinje

Nøkkelinformasjon:

Arbeidsgivar: Vinje kommune

Referansenr.: 4935638070
Stillingsprosent: 40%
Sommarjobb
Startdato: 20.06.2025
Sluttdato: 14.08.2025
Søknadsfrist: 01.06.2025