Vil du vere med og skape endring for andre? Då bør du lese vidare!

Vil du bidra til å gjere ein forskjell i menneske sitt liv – og hjelpe fleire inn i arbeid og aktivitet?

NAV Vindafjord-Etne søkjer ein engasjert og løysingsorientert rettleiar til eit års vikariat som vil vere med på å styrke vårt samfunnsoppdrag. I denne rolla vil du få ei sentral oppgåve med å kartleggje og avklare ressursar og moglegheiter hos arbeidssøkjarar, og motivere dei vidare mot arbeid eller aktivitet. Du vil også samarbeide tett med lokalt næringsliv, kollegaer og eksterne aktørar for å finne gode og varige løysingar, og det må påreknast noko reiseverksemd i lokalområdet.

Som rettleiar hos oss får du høve til å påverke både enkeltmenneske og lokalsamfunnet – og bidra aktivt i utviklinga av NAV sine tenester, saman med om lag 28 engasjerte og inkluderande medarbeidarar.

Nav Vindafjord-Etne held til på Rådhuset i Ølen, men flyttar inn i heilt nye lokale i sentrum våren 2026.

Er du den me ser etter? Send oss ein søknad der du fortel kvifor du er den rette for stillinga, og framhevar korleis du oppfyller kvalifikasjonskrava.

Arbeidsoppgaver

• Kartlegga og avklara arbeidssøkjarar sine ressursar og moglegheiter, samt motivera for arbeid eller aktivitet.
• Bistå våre arbeidssøkjarar til å sjå moglegheiter i dagens arbeidsmarknad ved å veileda, informera og saksbehandla etter gjeldande regelverk, særleg Folketrygdlova. 
• Samarbeida tett med lokalt næringsliv og andre samarbeidspartnerar, med mål om å hjelpa arbeidssøkjar ut i ordinært arbeid. 
• Samarbeida tett med kollegaer på kontoret og frå andre avdelingar i Nav, som Nav marknadsavdeling, Arbeidslivssenter og andre samarbeidspartnarar i kommunane.
• Bidra aktivt i utviklinga av Nav sine tenester.

 Ettersom Nav er i stadig endring og utvikling, kan andre oppgåver tilfalla stillinga.

Kvalifikasjoner

Du må ha:

• Fullført utdanning tilsvarande bachelorgrad, fortrinnsvis innan samfunnsfag, helse- og/eller sosialfag. Relevant erfaring og/eller utdanning kan kompensera for utdanningskravet.
• God digital kompetanse (erfaring med Microsoft Office 365).
• God munnleg og skriftleg framstillingsevne og gode norskkunnskapar. Ved anna morsmål enn norsk må det dokumenterast språknivå tilsvarande C1.
• Erfaring med rettleiing og oppfølging av menneske i vanskelege livssituasjonar.
• Erfaring med saksbehandling og bruk av lovverk.
• Førarkort klasse B.

Me ønsker også at du har:

• Erfaring frå tverrfagleg arbeid.
• Erfaring med kartlegging og rettleiing, samt motiveringsarbeid mot arbeid og/eller utdanning.

Vitnemål og attester må lastes opp i webcruiter i løpet av rekrutteringsprosessen.

Personlige egenskaper

For oss i Nav Vindafjord-Etne er det viktig at medarbeidarane våre opplever meistring og trivst med arbeidsoppgåvene over tid. Difor legg me stor vekt på personlege eigenskapar som me ser at er viktige i rolla. Særleg desse eigenskapane vil bli vektlagde sterkt:

• Nettverksbyggande og samarbeider godt med andre: Du tilnærma deg andre for å utvikle nye relasjonar eller styrkje eksisterande. Du deler informasjon og ekspertise for å oppnå teamresultat.
• Motstandsdyktig: Du handterer dei daglege utfordringane i arbeidet på ein tilpassingsdyktig og trygg måte.
• Initiativrik: Du set i gang arbeid og er handlingsorientert, samtidig som du tek sjølvstendige avgjerder.
• Problemløysar: Du finn løysningar, tek raskt til deg ny kunnskap, og er i stand til å bruke eksisterande kunnskap på nye måtar.
   

Vi tilbyr

• Spanande, meiningsfylte og varierte arbeidsoppgåver
• Gode moglegheiter for fagleg og personleg utvikling, til dømes gjennom videreutdanning i kollegaveiledning eller forvaltningsrett. 
• Eit inkluderande og engasjert arbeidsmiljø
• Fleksibel arbeidstidsordning og moglegheit for å bruke éin time per veke i arbeidstida til fysisk aktivitet.
• Gode pensjons-, forsikrings- og låneordningar gjennom Statens Pensjonskasse (SPK).
• Me tilbyr vikariat som veileder i stillingskode 1434 Rådgiver, med årslønn fra kr. 580.000 - 645.000

Kontaktinformasjon

Kristin Tofte, Leder, 41237114

Arbeidssted

Rådhusplassen 1
5580 Ølen

Nøkkelinformasjon:

Arbeidsgiver: Nav

Referansenr.: 5034773262
Stillingsprosent: 100%
Vikariat
Søknadsfrist: 16.11.2025