Sommarvikar ved Medisinsk-teknisk avdeling

Medisinsk-teknisk avdeling (MTA) leverer forvaltningstenester innan medisinsk teknologi og informatikk til Helse Bergen. Ofte i akutte situasjonar der medisinsk-teknisk utstyr er i bruk. Vi tar òg del i forsking, utvikling og innovasjonsoppgåver.

Arbeidsoppgåvene i avdelinga spenner over område som: Delta i innkjøp, installasjon av nytt utstyr, planlegge og utføre service, tilverke utstyr som blir nytta i forskingsstøtte, pasienttilpassa utviklingsoppgåver og å utarbeide rutinar og dokumentasjon. MTA legg stor vekt på kompetansebygging med kursing både internt og eksternt.

Medisinsk-teknisk avdeling arbeider for å trygge pasientar og brukarar gjennom gode rutinar for tenesteleveranse og tett samarbeid med klinikkane. Vi forvaltar ein utstyrspark på om lag 40 000 einingar, verd i overkant av 2 milliardar kroner. MTA tar hand om utstyret gjennom heile prosessen frå anskaffing til avhending, og våre tilsette held ved lag ein høg kompetanse gjennom generell og utstyrsspesifikk opplæring. Avdelinga har om lag 90 tilsette. Medisinsk-teknisk avdeling er ein del av Drift/teknisk divisjon. 

Vi skal tilsette to sommarvikarar som skal hjelpe med ekspedisjon, administrativt arbeid og tekniske oppgåver. Stillingane er aktuelle for studentar innan medisinsk teknologi, elektronikk, IKT-fag og liknande.

Skriv i søknaden kva for veker du kan jobbe i juni, juli og august. I utgangspunktet skal vikariatet vare i 3-6 veker.

Arbeidsoppgåver

• Rydde i utstyrsdatabase og registreringar
• Ta imot og montere utstyr
• Ekspedisjon, telefonvakt og kundemottak

Kvalifikasjonar

• Fullført vidaregåande skule
• Det er ein fordel om du studerer eller har erfaring med medisinsk teknologi, elektronikk, IKT eller liknande

Personlege eigenskapar

Det er ein fordel om du har interesse for sjukehusdrift og medisinsk teknikk

Vi tilbyr

• Eit godt arbeidsmiljø prega av stort mangfald både i utdanningsnivå, alder og profesjon (fag)
• Ei lærerik stilling ved eit av dei største sjukehusa i Noreg

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Atle Lothe, Seksjonsleiar, 55974860, atle.lothe@helse-bergen.no

Arbeidsstad

Solheimsgaten 13
5058 Bergen

Nøkkelinformasjon:

Arbeidsgivar: Helse Bergen HF

Referansenr.: 4954552835
Stillingsprosent: 100%
Vikariat
Søknadsfrist: 25.04.2025