Er du ein miljøteapeut med eit varmt hjarta og klokt hovud? Bore skule og SFO ynskjer å finna deg!

Her har du ein unik sjanse til å bli med i eit flott team på Bore skule og SFO. Vi treng deg som kvar dag vil gje barn positive opplevingar, byggja trygge relasjonar , og delta i leik og aktivitetar på skule og SFO.

Bore skule er ein PALS skule (positiv atferd og læringsstøtte) med mål om å styrkje elevane sin faglege og sosiale mestring gjennom positiv annerkjenning og ros. På Bore skule har vi 400 elevar, unike på kvar sin måte! Vårt store mangfald er ein styrkje og ressurs når vi byggjer inkluderande fellesskap som fremjer helse, trivsel og læring. Visjonen vår er: Blikk for alle!

Bore skule er ei lærebedrift i barne-og ungdomsarbeiderfaget, samt praksisplass for barnevernspedagogar og sosionom utdanninga frå Universitetet i Stavanger.

Vi arbeider saman i eit solid læringsfellesskap, der kvardagen er fylt med kjekke kollegaer, eit mangfald av fantastiske barn og meiningsfulle dagar.

Har du lyst til å bidra med å skape inspirerande læringsmiljø? Vi har ledig eit vikariat i 100%stilling frå 01.august for skuleåret 2025/2026. Arbeidstid for stillinga er mellom klokka 07-16.30 kvar dag. Er du klar til å utgjere ein forskjell? Send oss din søknad i dag!

Arbeidsoppgåver

På Bore skule vil du arbeide med tilpassa opplæring og oppfølging av enkeltelevar. Praktisk og variert undervisning er viktig for våre elevar. Leikbasert læring, uteskule, fysisk aktiv læring, kulturskuledag er noko av det som gjer auka motivasjon og læring. Gjennom heile dagen vil du være tett på, og veilede barn i vennskap, leik og aktivitet.

På SFO vil du saman med kjekke kollegaer delta i og ha ansvar for å utføre planlagte aktivitetar i tråd med rammeplan for SFO, og bidra til å auke barnas sosiale læring, trivsel og utvikling. Vi har fokus på å byggje gode relasjonar og eit godt samarbeid med elevar, føresette og tilsette. Du vil også delta aktivt på basen og bidra inn i det gode samarbeidet med å byggje eit inkluderande fellesskap for store og små.

Kvalifikasjonar

Relevant høgskuleutdanning

For stillingen vil erfaring i å arbeide med elevar med særskilte behov og utfordingar vektleggjast

Personleg eigna vert tillagt stor vekt

Gode norskferdigheiter, skriftleg og munnleg

Personlege eigenskapar

Du må være glad i barn, være tolmodig og god på relasjonar

Du er autoritativ, tydeleg , trygg og varm

Du er robust og tåler å stå i barns vanskelege kjensler

Du har stor arbeidskapasitet, godt humør, viser tillit og er raus i møte med andre

Du tek ansvar og arbeider godt i team

Du tek inititativ og er fleksibel når det er behov

Du er oppteken av leik og vil arbeide for at alle barn kan delta med lyst og engasjement

Vi tilbyr

Flott nærområde som innbyr til leik og fysisk aktivitet

Sentral plassering med gode buss forbindelser

Vi har stort fokus på at våre tilsette skal ha muligheit til å halde seg fagleg oppdatert både via kurs og fagdagar med intern og ekstern førelesar

Vi vil leggje tilrette for at du kan videreutvikle deg sjølv og kollegane dine, dele din kunnskap og bidra til kompetanseheving

Lønn etter formelle kvalifikasjonar, ansiennietet og gjeldande tariff.

God pensjons-og forsikringsordning

Gratis inngang i basseng i Klepphallen

Bedriftsidrettslag

Bedriftskunstforening

Ordning med dekning for behandling hjå fysioterapeut og kiropraktor

Kontaktinformasjon

Ellen Marie Svendsvoll, Konsulent, +47 90261847

Arbeidsstad

Verdalsvegen 31
4351 Verdalen

Nøkkelinformasjon:

Arbeidsgivar: Klepp kommune

Referansenr.: 4947292326
Stillingsprosent: 100%
Vikar
Startdato: 01.08.2025
Sluttdato: 30.07.2026
Søknadsfrist: 22.04.2025