Rektor

Er du vår nye rektor ved Orre skule?

Vil du vera med å gjera ein forskjell for barn og unge i Klepp kommune? Er du opptatt av heilskapleg og framtidsretta læringsleiing med fokus på utvikling av eigen skule? Me søkjar no ein dyktig leiar som ønskjer å vera med på den vidare utviklinga av Orre skule.

Orre skule er ein barneskule i Klepp kommune. Det er omlag 150 elevar og 20 tilsetje. Skulen si leiing består av rektor og ein avdelingsleiar. SFO- leiar og saksbehandlar utgjer resten av skulen sin administrasjon. Skulen ligg i naturskjønne omgjevnader.

Skulane i Klepp er organisert som sjøvstendige einingar. Rektor har det pedagogiske, administrative, økonomiske og personalmessige ansvaret for skulen innanfor gitte rammer. Rektor rapporterer til skulesjef. Den nye rektoren vår vil bli ein del av skuleleiarlaget i Kleppskulen og må vera oppteken av kvalitet i alle ledd. Det er forventa at rektor ser på profesjonelle læringsfelleskap som ein nødvendigheit for å styrke føresetnader for elevane si læring, danning og utvikling.

Kjernekomponentane for Kleppskulen dei neste tre åra er: Profesjonelle læringsfellesskap, den engasjerte eleven og læreplanforståing. For Orre skule og for ny rektor betyr dette at eleven er i sentrum i alt ein gjer. Orre skule har gode rutinar for elevmedverknad i utvikling og evaluering av skulen sine satsingsområde. Skulen har gode resultat på elevundersøkinga. Skulen har utarbeidd gode rutinar for korleis ein overvaker læring hos elevane. 
Kommunen og skulen er også ein del av Jærskulen. Jærskulen er eit forpliktande samarbeid om skuleutvikling der du som leiar deltek i eit fagleg solid nettverk, på tvers av kommunane på Jæren.

Arbeidsoppgåver

• Leia og motivera tilsette i profesjonelle læringsfellesskap
• Målretta samarbeid for god trivsel og auka læringsutbyte til elevane
• Leia skuleutvikling, samt leia og utvikla skulen og Kleppskulen sin strategi og faglege profil
• Medverknad med elevar, føresette, tilsette og nærmiljøet
• Videreutvikla kvalitetssikringssystemet og sikra god skulebasert vurdering
• Driva økonomistyring og resultatkontroll

Kvalifikasjonar

• Du har relevant pedagogisk utdanning og leiarerfaring
  
• Du har erfaring og kunnskap frå pedagogisk utviklingsarbeid og skuleutvikling
• Du har gjennomført rektorskulen eller tilsvarande leiarutdanning
• Du har kunnskap og erfaring innan digitalisering i skulen
• Personlege eigenskapar vert vektlagt
• Politiattest av nyare dato må leggjast fram før oppstart.

Personlege eigenskapar

• Du involverer gjennom profesjonelle lærande fellesskap og har gjennomføringsevne
  
• Du er tydeleg og synleg som rektor og motiverer til felles innsats for læring og utvikling i alle ledd
• Du er god til å kommunisera, leggja til rette for samarbeid og skape gode relasjonar på alle nivå
• Du er inkluderande og har blikk for alle
• Du er opptatt av dialog og har ein verdsettande måte å leia tilsette på
• Du er fleksibel, lojal og har godt humør
• Du jobbar sjølvstendig, målretta og strukturert

Vi tilbyr

• Gode moglegheiter for fagleg og personleg utvikling
• Lønn etter avtale
• Rettleiing for nye rektorar
• Tett samspel med andre skuleleiarar i kommunen og Jærskulen
• Gode forsikrings- og pensjonsordningar
• Tilsetjing skjer på dei vilkår og med dei plikter som går fram av utlysing, gjeldsande lovar, reglement og tariffavtalar
• Oppstart etter avtale

Kontaktinformasjon

Vigdis Vatne, skulesjef, +47 98825597

Arbeidsstad

Roslandsvegen 366
4343 Orre

Nøkkelinformasjon:

Arbeidsgivar: Klepp kommune

Referansenr.: 4669224548
Stillingsprosent: 100%
Fast
Søknadsfrist: 19.06.2023