Fagradiograf RIS/PACS

Radiologisk avdeling i Ålesund har no ledig ei 100 % fast stilling som RIS/PACS-fagradiograf. Fagansvarleg har ei sentral nøkkelrolle i radiologisk avdeling og arbeider på dagtid.

Ved internt opprykk kan det bli ledig ei stilling som radiograf. Oppstart etter avtale med seksjonsleiar.
Vi har eit sosialt og triveleg arbeidsmiljø med ein god miks av unge og erfarne radiografar. Her finn du engasjerte kollegaer og ein dynamisk arbeidskvardag med varierte og faglege utfordringar. Vi søkjer deg som er lærevillig, initiativrik og som bidreg positivt både fagleg og sosialt i gruppa.

Avdelinga vår har høg produksjon og omfattar modalitetar som CT, MR, UL, konvensjonell røntgen og nukleærmedisin (SPECT-CT og PET-CT). Vi har også ein toppmoderne intervensjonslab for både generelle og avanserte prosedyrar som EVAR, samt eit brystdiagnostisk senter som utfører både screening og kliniske undersøkingar. Hos oss dekkjer vi dagleg spesialområda lunge, hjarte, urologi, gastro, gynekologi, muskel- og skjelett, barn, nevro/ØNH og brystdiagnostikk.
Ålesund og Sunnmøre er kjende for sine spektakulære fjordar, fjell og byar – eit eldorado for natur- og kulturinteresserte. Med kort veg til både flyplass (25 minutt) og storslått natur, ligg alt til rette for eit rikt og spanande liv også utanom arbeidstida. 
Høyrest dette spennande ut? Send oss ein søknad – vi vil gjerne høyre frå deg!

I tillegg til søknad og CV ber vi om dokumentasjon på vitnemål, arbeidserfaring og referansar. Dette for å dokumentere kvalifikasjonane som kjem fram i CV-en, og for å kunne fastsetje rett løn. Søknadsfristen er snarast mogleg, og intervju og tilsetjing blir gjennomført fortløpande.
Helse Møre og Romsdal HF ønskjer at medarbeidarane våre skal spegle mangfaldet i befolkninga. Vi oppmodar kvalifiserte kandidatar til å søkje, uavhengig av kjønn, alder, funksjonsnedsetting, nasjonal eller etnisk bakgrunn – også dersom du har hatt opphald i arbeidslivet.

Arbeidsoppgåver

• Fagansvar for Sectra RIS/PACS
• Ansvar for opplæring og rettleiing av brukarar
• Vedlikehald av eksisterande løysing (tilgangsstyring, kodeverk, grensesnitt, arbeidsflyt m.m.)
• Bindeledd mellom systemeigar, brukarar, leverandør og Hemit
• Leiande superbrukar for Radiant i Helseplattformen

Kvalifikasjonar

• Autorisasjon som radiograf
• Erfaring med Sectra RIS/PACS er ønskjeleg
• Gode datakunnskapar

Personlege eigenskapar vil bli vektlagde

Personlege eigenskapar

• Evne til å jobbe sjølvstendig, strukturert og nøyaktig
• Løysingsorientert og initiativrik
• Gode pedagogiske evner og gode samarbeidsevner

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Arbeidsstad

Nøkkelinformasjon: