Rådgjevar  - arealforvaltning 

Om stillinga

Ved tenesteområde Arealforvaltning er det ledig ein stilling som rådgjevar i avdelinga miljø og tilsyn. Hovedoppgåvene vil være knytt til handsaming av klage på vedtak i frå tenesteområdet Arealforvaltning. Du vil arbeide i grenseskilet mellom administrasjonen, politikarane og statsforvaltaren.

Avdelinga består i dag av seks rådgjevarstillingar, i tillegg til leiar. Som tilsett på miljø og tilsyn vil du ha varierte arbeidsoppgåver og vere ein del av eit aktivt fagmiljø med brei kompetanse. Arbeidsdagen vil innehalde noe synfaringsarbeid i felt. 

Vi søker deg som vil gjere ein forskjell i kommunen.

Om tenesteområde Arealforvaltning

Avdeling for Miljø og tilsyn vart oppretta som ny avdeling under Arealforvaltning i Alver kommune frå 1.1.2020. Føremålet med avdelinga er å sikre at Alver kommune har dedikerte ressursar og eit felles fagmiljø som har ansvar for tilsyn og oppfølging av ulovlege tilhøve etter plan- og bygningslova, aktiv oppfølging av saker som gjeld forureining og forsøpling, samt handsaming av klagesaker. 

Arealforvaltning leverer tenester innanfor eit breitt fagområde. Tenesteområdet består av fire avdelingar: Byggesak, Landbruk, Kart og oppmåling og Miljø og tilsyn. Arealforvaltning høyrer til sektoren Samfunnsutvikling, saman med Eigedomsforvaltning og Drift og vedlikehald. Vi har fokus på tverrfagleg samarbeid og du vil jobbe tett mot andre fagområde i vår sektor og mot andre sektorar. Vi samhandlar også med andre myndigheiter på både fylkesnivå og på statleg nivå.

Vi sitter i moderne kontorer på Frekhaug kommunehus. Her er det gangavstand til bussterminalen og hurtigbåten til Bergen sentrum. Vi deler kontorer med avdelinga for byggesak.

I samme bygg finn du også avdelingane for Landbruk, Kart og oppmåling, Veg, vann og avløp, Eigedom, Plan, Stab og Dokumentsenteret. Sammen skaper vi eit sterkt fagmiljø.

Kvalifikasjonskrav

Vi ser etter deg som har:

• Relevant høgare utdanning, til dømes innan ingeniørfag, jus, miljøforvatning, eller anna utdanning innan tilsvarande fagområde
• Erfaring og kompetanse innanfor plan- og bygningslova eller sakshandsaming etter forvaltningslova og offentligheitslova
• Erfaring frå offentleg forvaltning er ein fordel
• Gode kommunikasjonsevner, både skriftleg og munnleg, på norsk
• Førarkort klasse B

Personlege eigenskapar som sjølvstende, struktur og samarbeidsevne vil bli vektlagt.

Ønskt kompetanse

Vi søkjer deg som;

• Tar iniativ og er positiv
• Kan drive eigne saker fremover
• Har evne til å raskt sette deg inn i nye problemstillingar
• Kan levere arbeid av høg kvalitet, men samtidig kan levere arbeid som er "godt nok"
• Er serviceinnstilt og kan ha ein god dialog med både innbyggarar og politikarar
• Trivs med samarbeid, og vil vere ein god lagspelar for kollegaer
• Er løysingsorientert og fleksibel

Arbeidsoppgåver

Hovudoppgåva i stillinga er å handsame klager på vedtak som er fatta av tenesteområdet arealforvaltning. Dette omfattar vedtak i mellom anna plansaker, jordlovsaker og alle typar byggjesaker

Arbeidsoppgåvene omfattar:

• Handsaming av saker, som regel i form av saksframlegg til politisk handsaming
• Oppmøte og synfaring i samband med politiske møte
• Informasjon og rettleiing til privatpersonar og føretak
• Juridisk rettleiing internt i eiga avdeling og tenesteområde
• Andre arbeidsoppgåver som naturleg høyrer inn under avdelinga og tenesteområdet

Me tilbyr

• Eit godt arbeidsmiljø 
• Ein arbeidsplass med høg tverrfagleg kompetanse 
• Moglegheit for heimekontor etter gjeldande retningslinjer 
• Gode pensjon- og forsikringsordningar gjennom KLP 
• Løn etter avtale 
• Varierte og utfordrande arbeidsoppgåver 
• Tilsetingsvilkår etter lov- og avtaleverk