Førstelektor / høgskulelektor i sjukepleie, st. nr. 17/2025

Om stillinga

Ved Høgskulen i Volda, Avdeling for samfunnsfag og historie er det ledig inntil to 100% faste stillingar som førstelektor / høgskulelektor på fagområdet sjukepleie under føresetnad av at styret vedtek å starte sjukepleieutdanning. Dette vert avgjort i løpet av mai 2025.

Høgskulen i Volda planlegg å starte sjukepleiestudium (deltid, 4 år), og søkjer etter deg som kan ha ei aktiv rolle i dette og som har eit ønske om å bidra til å utdanne framtidige sjukepleiarar. Som tilsett får du vere med på å etablere ei sjukepleiarutdanning og bygge opp fagfeltet i lag med dyktige kollegaer.

Fagområde for stillingane er primært grunnleggande sjukepleie, sjukepleie til personar med samansette pasienttilstandar i primærhelsetenesta, og sjukepleie til personar med akutt, kritisk og kronisk sjukdom i spesialisthelsetenesta. 

Arbeidsstaden er Joplassvegen 11, 6103 Volda (Volda kommune). Det er ønskjeleg med oppstart innan 1. oktober 2025. Men oppstart kan skje etter nærare avtale.

Kvalifikasjonar

Den som blir tilsett må:

• Ha relevant mastergrad og bachelor i sjukepleie
• Ha norsk autorisasjon som sjukepleiar
• Ha erfaring frå relevant klinisk arbeid
• Ha god skriftleg og munnleg formidlingsevne
• Ha gode kommunikasjons- og samarbeidsevner
• Ha stor arbeidskapasitet og evne til å arbeide sjølvstendig

Det tel positivt om søkjar:

• Kan dokumentere forskings- og utviklingsarbeid som er relevant for stillinga
• Har erfaring med formidling / undervisning  / rettleiing
• Har erfaring med pedagogisk utviklingsarbeid, undervisning og rettleiing i høgare utdanning
• Har interesse og motivasjon for kompetanseheving

Søkjar må ha gode norsk- og engelskkunnskapar, både skriftleg og munnleg. Undervisnings- og administrasjonsspråket ved høgskulen er norsk.

For kvalifikasjonar på ulike kompetansenivå (førstelektor og høgskulelektor), viser vil til Forskrift til universitets- og høyskoleloven (universitets- og høyskoleforskriften).

Aktuelle søkjarar kan bli kalla inn til intervju og prøveundervisning. 

Arbeidsfelt

Den som blir tilsett i stillinga vil undervise og rettleie studentar på bachelor i sjukepleie. 

Avdelinga er involvert i fleire forskingsprosjekt og har god publiseringsaktivitet. Det er venta at alle tilsette er aktive medlemmer i ei av forskingsgruppene ved høgskulen, og bidrar aktivt inn i forskings- og utviklingsarbeid. 

Nokre konkrete arbeidsoppgåver:

• Bidra til kvalitativt god utdanning for bachelorstudentar i sjukepleie, hovudsakleg i grunnleggande sjukepleie, sjukepleiefaglege prosedyrar og ferdigheiter
• Undervise og rettleie studentar i studiegrupper og i ferdigheitstrening
• Rettleie og følgje opp studentar i praksis i kommunale helse- og omsorgstenester og på sjukehus
• Sensurere i teoretiske og praktiske fag/emne
• Utføre fagleg-administrative oppgåver
• Drive eige forskings- og utviklingsarbeid og formidle frå arbeidet

Vi tilbyr

HVO tilbyr varierte arbeidsoppgåver i ei stor, spanande og samfunnsviktig verksemd. 

Avdelinga har eit inkluderande og godt arbeidsfellesskap, der det er høve til fagleg og personleg utvikling. 

Høgskulen i Volda har gode vilkår for forsking, og det finst fleire aktive forskingsgrupper på ulike fagfelt.

• Interessante arbeidsoppgåver ved ein attraktiv høgskule
• Gode vilkår for fagleg utvikling i inspirerande fagmiljø
• Inkluderande miljø med engasjerte kollegaer
• God pensjonsordning i Statens pensjonskasse, SPK
• Fleksibel arbeidstid
• Høve til trening i arbeidstida

Stillinga er løna etter kompetanse og kvalifikasjonar i statens lønsregulativ: 

Høgskulelektor 1008 kr 600.000,- – 750.000,- og førstelektor 1198 kr 700.000,- – 850.000,-. 

Det blir trekt 2% lovbestemt innskot i Statens pensjonskasse av løna, til pensjonssparing og risikoforsikring, les meir på www.spk.no.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument/filer skal leggast ved den elektroniske søknaden:

• Vitnemål og attestar, samla i ei fil
• CV
• Masteroppgåve
• Andre vitskaplege arbeid

Dei faglege kvalifikasjonane til søkjarane blir vurdert av eit sakkunnig utval

Kontakt

Dersom du vil ha meir informasjon om stillinga, kan du kontakte 

Dekan Jorunn Sem Fure, telefon: +4770075155 eller e-post: jorunn.sem.fure@hivolda.no

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

. Video: https://www.youtube.com/watch?v=wSlL1WkuUXc