Ynskjer du ei spennande ingeniørstilling i ein kommune i vekst?

Bjørnafjorden kommune søkjer etter ein initiativrik og fleksibel VA-ingeniør. Som del av eininga Samferdsle og VA, får du jobbe med spennande driftsprosjekt innan vatn og avløp. Dette gjev deg høve til å utvikle deg både fagleg og personleg. Stillinga rapporterer til fagleiar VA. Oppmøtestad er for tida i Mobergsbakken i Os. 

ANSVAR OG ARBEIDSOPPGÅVER

Som VA-ingeniør vil du vere ein viktig pådrivar for å sikre effektivitet i drift og vedlikehald av VA-anlegga i Bjørnafjorden kommune. Saksbehandling og forvaltningsoppgåver knytte til vatn- og avløpsområdet er ein sentral del av stillinga.

Andre relevante arbeidsoppgåver vil vere

• oppfølging av kommunale reinseanlegg
  
• bidra til oppfølging av vassforvaltning og samordning i kommunen
  
• oppfølging av leverandørar 
  
• sikre oppfølging av utsleppsløyve innan kapittel 14 i Forureiningslova og tilhøyrande krav
  
• all rapportering innan avløp
  
• vidareutvikling av kvalitetssystemet innan avløp
  
• anna relevant arbeid innanfor eininga Samferdsle og VA etter behov

DIN PROFIL

Me ser etter deg som har utdanning og/eller erfaring innan vatn- og avløpsfag. Nyutdanna er velkomne til å søkje. 

Vidare ser vi for oss at du

• har høgare utdanning innan VA, relevant erfaring kan kompensere for utdanning
  
• har kjennskap til gjeldande lovar og forskriftar
  
• er strukturert og fleksibel
  
• har god gjennomføringsevne
  
• har gode samarbeidsevner samtidig som du trivst med å arbeide sjølvstendig
  
• beherskar norsk både munnleg og skriftleg
  
• har førarkort klasse B
  

Personleg eignaheit vil bli tillagt stor vekt  i vurderinga. 

KVIFOR BJØRNAFJORDEN KOMMUNE?

Hos oss får du

• ein variert og hektisk kvardag i ein kommune i vekst
  
• fagleg spennande oppgåver i eit godt og inspirerande arbeidsmiljø
  
• løn etter avtale
  
• gode pensjons- og forsikringsordningar 
  
• fleksitidsordning
  

Søknadsfrist: 22. april – Søknadar vurderast fortløpande.

YNSKJER DU MEIR INFORMASJON OM STILLINGA?
Kontakt vår rekrutteringspartner HAMNØY AS ved rådgjevarane

• Marit Ecklo Brevik, tlf. 907 24 333
  
• Melina Birkeland, tlf. 905 40 499
  
• Johanna Grindhaug, tlf. 959 33 056
  

Registrer søknad og CV snarast, og hugs å leggje ved alle relevante attestar og vitnemål. 

Oppstart etter avtale.

Kontaktinformasjon

Nøkkelinformasjon: