Ped.psyk.rådgivarar/ Rådgivarar

Ålesund PPT har ledig inntil 3 faste stillingar og 3 vikariat/engasjement som ped.psyk.rådgjevar/psykolog på område grunnskule og vidaregåande. 

PPT i Ålesund kommune er ei av dei store PP-tenestene i Noreg og skal dekkje eit stort geografisk område med meir enn 59 barnehagar, 36 skular og 5 vidaregåande skular. Tenesta har kontorplass i Ålesund rådhus og Ørskog tenestehus. Frå januar 2024, kan nokre av stillingane vere knytt til arbeid i Haram kommune. 

Tenesta sine arbeidsoppgåver er heimla i Opplæringslova §5.6. PPT skal hjelpe skulane i arbeidet med kompetanseutvikling og organisasjonsutvikling for å leggje opplæringa betre til rette for barn og unge og sørgje for at det blir utarbeidd sakkyndig vurdering der lova krev det.

Vi søkjer etter medarbeidarar til arbeid i tenesteområda grunnskule og vidaregåande skule. Arbeidet vil i hovudsak vere knytt til arbeid med kompetanseutvikling og organisasjonsutvikling og utarbeiding av sakkunnige vurderingar. Arbeidet vil gå føre seg ute i skular i møte med og i tett samarbeid med barn/elevar, foreldre og personale. Det vert stilt krav om gode evner til samarbeid, fleksibilitet, til det å kunne arbeide sjølvstendig og målretta, og tidvis tole høgt arbeidspress. Det blir stilt krav om at den tilsette kan nytte eigen bil i arbeidet.  

Arbeidsoppgåver

• Kompetanseheving og utviklingsarbeid i samarbeid med skular for å fremje gode og likeverdige utviklings- og opplæringstilbod. Dette vil gjelde førebygging, tidleg innsats, trygt og godt læringsmiljø samt rådgjeving og støtte i overgangar mellom barnehage og skule, og mellom skuleslag.  
• Utvikle gode individuelle tiltak innanfor ramma av klassefellesskapet.
• Kartlegging og utarbeiding av sakkunnige vurderingar der lova krev det.
• Dialog med og rettleiing av føresette og skule.
• Hjelpe skulane i arbeidet med kompetanse- og organisasjonsutvikling .

Kvalifikasjonar

• Vi søkjer etter ped.psyk rådgjevar/rådgjevar med mastergrad innan tenesta sine fagområde og solid bakgrunn med erfaring og kompetanse frå skuleområdet.
  
• Søkjar må ha utdanning frå universitet/ høgskule innan fagområda spesialpedagogikk/ pedagogikk/ psykologi/ pedagogisk-psykologisk rådgjeving, rådgjeving eller utdanning knytt til organisasjons- og utviklingsarbeid.
• Det vert stilt krav om gode evner i norsk munnleg språk og skriftleg framstilling.
  
• Det er ønskjeleg at søkjar har aktuell test- og kartleggingskompetanse.
• Det blir sett krav til at søkjar har sertifikat og kan stille eigen bil til disposisjon for arbeidsgjevar 

Personlege eigenskapar

PPT søker deg som 

• har gode samarbeidsevner og kan motivere andre.
• er sjølvstendig og arbeider målretta
  
• er fagleg fokusert og evnar å vidareformidle og rettleie
• har evne og vilje til å tileigne deg relevant fagkunnskap
• har gode skriftlege og munnlege framstillingsevner
• Referansar og personlege eigenskapar vil verte vekta

Vi tilbyr

• Høgt fagleg nivå
• Fagleg og personleg utvikling
• Fleksibel arbeidstid
• Godt arbeidsmiljø
• Løn etter avtale
• Ein arbeidsplass som er inkluderande arbeidsliv (IA) - bedrift
• Tenesta arbeider etter verdiar og mål for Ålesund kommune.

Kontaktinformasjon

Solfrid Stavdal, Verksemdsleiar, 412 98 311, solfrid.m.stavdal@alesund.kommune.no
Gry Rennan, Avdelingsleiar , 908 14 161, gry.rennan@alesund.kommune.no

Arbeidsstad

Keiser Wilhelms gate 11
6003 ÅLESUND

Nøkkelinformasjon:

Arbeidsgivar: Ålesund kommune

Referansenr.: 4638140945
Stillingsprosent: 100%
Fast, Vikar
Søknadsfrist: 12.04.2023