Regionalt kompetansesenter for habilitering og rehabilitering i Helse Vest er organisatorisk plassert som eigen eining i Rehabiliteringsklinikken i Helse Bergen HF, Haukeland universitetssjukehus. Senteret held til på Nesttun og har i dag 8 tilsette.

Senteret har fem hovudoppgåver: Forsking og fagutvikling, nettverksbygging, undervisning, samt funksjonane Regional koordinerande eining for habilitering og rehabilitering og Regional vurderingseining for rehabilitering. Senteret blei etablert i 2007 og har opparbeidd breitt kontaktnettverk og samarbeid med aktørar innan fagfelta både i spesialisthelsetenesta, kommunar og akademia i helseregion Vest og nasjonalt.

Kompetansesenteret søker no seniorrådgivar i 100% fast stilling som skal bidra til vidareføring og utvikling av senteret sin langsiktige plan innan fagutvikling, nettverksbygging, forsking og undervisning.

Det er planlagd flytting til Nordås i 2028 for samlokalisering med øvrige einingar i ReHabiliteringsklinikken. 

Arbeidsoppgåver

I samarbeid med leiarar, forskarar, relevante samarbeidspartnarar og forskingsinteresserte innan fagfelta habilitering og rehabilitering, vil seniorrådgivar ha spesielt ansvar for;

• Initiere og stimulere til fagleg utvikling og forskingsprosjekt innan habilitering og rehabilitering
• Følge opp eksisterande forskingsprosjekt samt andre fagutviklingsprosjekt for å sikre framdrift og kvalitet
• Søke eksterne forskingsmidlar for prosjekt i tråd med senterets planar og strategiar
• Kommunisere resultat frå forsking og andre prosjekt med formål å formidle kunnskap, både skriftleg og munnleg

Undervisning og rettleiing

• Tilby undervisning, råd og rettleiing til samarbeidspartnarar samt utdanningsinstitusjonar
• Bistå samarbeidspartnarar i fagutviklings- og forskingsprosjekt
• Bidra til kompetanseheving blant samarbeidspartnarar

Nettverksarbeid

• Ta initiativ til å drive nettverksarbeid for å styrke fagutviklinga innan habilitering og rehabilitering
• Aktivt delta i regionale, nasjonale og eventuelt internasjonale nettverk innan habilitering og rehabilitering
  

Kvalifikasjonar

• Relevant høgare utdanning, PhD, innan habilitering og rehabilitering eller tilsvarande fagfelt
• Kompetanse innan helsetenesteforsking, herunder handtering av registerdata
• Erfaring frå habilitering og/eller rehabilitering er ein føresetnad
• Erfaring med rettleiing
• Erfaring frå prosjektsamarbeid og oppgåver innan fagutvikling og forbetring er ein fordel
• Erfaring med søknadsprosessar for eksterne forskingsmidlar

Personlege eigenskapar

• Gode kommunikasjons- og samarbeidsevner
• Evne til å arbeide sjølvstendig og ta initiativ
• Strukturert og analytisk
• Løysingsorientert og proaktiv
• God på å bygge og vedlikehalde nettverk
• Engasjert og motivert for å bidra til fagutvikling og forsking innan habilitering og rehabilitering

Vi tilbyr

• Arbeidsoppgåver med moglegheit for fordjuping
• Kontakt med fagmiljø i helseregion Vest og nasjonalt
• Tverrfagleg og aktivt arbeidsmiljø
• Positive kollegaer
• Lønn etter avtale
• Gode pensjons- og forsikringsordningar
  
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Vegard Pihl Moen, Seksjonsleiar, 924 38 242

Arbeidsstad

Østre Nesttunvegen 2
5221 Nesttun

Nøkkelinformasjon:

Arbeidsgivar: Helse Bergen HF

Referansenr.: 4918431697
Stillingsprosent: 100%
Fast
Søknadsfrist: 21.04.2025