Ledig stilling som instruktør ved Brennabu leirskule - 80% fast stilling

Vestre Slidre kommune

Slidrevegen 16, 2966 Slidre, Hjemmekontor ikke mulig

Stillingsannonsen er inaktiv.

Om jobben

Stillingstittel: Instruktør ved Brennabu leirskule
Type ansettelse: Fast, deltid 80%
Arbeidsspråk: Norsk
Antall stillinger: 1

Ønsker du ein fleksibel jobb, der du får skape glede og meistring hjå barn i utandørsaktivitet året rundt?

Vi har ledig fast stilling som instruktør i 80% ved Brennabu leirskule f.o.m. 01.08.25.

Dette er ein instruktør/assistentstilling, difor er det ikkje krav om lærarutdanning i stillinga. Personlege eigenskapar vil bli vektlagt, spesielt evne til å kommunisere med barn og unge.

Brennabu leirskule tek i mot over 3500 elevar i grunnskulen gjennom heile skuleåret. Elevane er hos oss i ei veke frå måndag til fredag og får vere med på varierte friluftslivsaktivitetar.

Brennabu ligg på Vaset i vakre Valdres, like ved Jotunheimen. Her ligg alt til rette for eit aktivt friluftsliv gjennom alle årstider .

Flytte til Valdres? Sjå http://www.velgvaldres.no

Arbeidsoppgåver

Arbeidsoppgåver vil vere å leie barn og unge i ulike leirskuleaktivitetar sommar og vinter:

guide turar i fjellet til fots, på ski, i kano og på sykkel
instruere og leie klatreaktivitetar
instruere og leie handverksaktivietetar
fortelje historier

Kvalifikasjonar

Vi ønsker at du:

har erfaring med å leie barn og unge
har god evne til å leie grupper sjølvstendig i varierte aktivitetar
har erfaring med ski, sykling og padling
er i god fysisk form
har, eller er villig til å ta brattkort innan klatring

Tilfredsstillande politiattest må leggjast fram før tiltreding i stillinga.

Personlege eigenskapar

Vi ønsker at du :

likar å omgås og kommunisere med barn og har eit positivt elevsyn
er initiativrik og fleksibel i forhold til oppgåver
er god på samarbeid og har evne til å oppnå gode relasjonar
er positiv og løysingsorientert
er glad i uteliv heile året
aktivt bidreg til eit godt arbeidsmiljø og deler kompetanse med kollegiet

Vi tilbyr

ein spennande, variert og morosam jobb
ei fleksibel arbeidsavtale
lønn etter tariff, elles arbeidsvilkår etter dei reglar som til ei kvar tid går fram av gjeldande lover, reglement og tariffavtale
gode pensjonsordningar

Kontaktinformasjon

Jon Terje Rying, Rektor Brennabu, +47 91863886

Arbeidsstad

Slidrevegen 16
2966 Slidre

Nøkkelinformasjon:

Arbeidsgivar: Vestre Slidre kommune

Referansenr.: 4945400121
Stillingsprosent: 80%
Fast
Søknadsfrist: 24.04.2025

Om bedriften

Andre opplysningar

Eit godt arbeidsmiljø er prega av mangfald. Vi oppmodar alle kvalifiserte kandidatar til å søkje uavhengig av kjønn, funksjonsevne eller kulturell bakgrunn. Arbeidsplassen vil bli tilrettelagt ved behov. Det vert gjort merksam på at namnet på ein søkjar kan bli gjort offentleg sjølv om søkjaren har bedt om at namnet blir unnteke offentleg søkjarliste. Ynskje om unntak frå offentleg søkjarliste må grunngjevast i søknaden, jf. offentleglova § 25, andre ledd. Søkjaren vert varsla dersom ynskje ikkje kan takast til følgje.

Vestre Slidre kommune er ein landbruks- og reiselivskommune i Valdres, og som ligg vakkert til nær Jotunheimen, er 457 km2 stor og har omlag 2 100 innbyggjarar. Vi har ei god skule, full barnehagedekning og ei av dei beste kulturskulane i landet. Kommunen har også eit rikt kulturliv med song, musikk og idrett, og eit vidt spekter innanfor lag og foreiningar.

Her ligg det til rette for aktivt friluftsliv - både sommar og vinter. Største delen av fjellområda i kommunen er statsallmenning. For jakt- og fiskeinteresserte byr dette på mange gode - som for eksempel fiske med garn og oter i alle vatn i allmenningen, og tilgang til småviltjakt. Vestre Slidre kommune kan også by på eit alpinanlegg og 300 km oppkøyrte skiløyper i vårt vakre og varierte fjellområde, samt to lysløypeanlegg. Det er god kommunikasjon til Oslo og Vestlandet via E-16, som går gjennom kommunen.