Rådgivar innan dataanalyse og statistikk

Vil du bli ein av våre nøkkelspelarar i arbeidet med å sikre drift og nytte av medisinske nasjonale kvalitetsregister? Vi søkjer etter ein dyktig rådgivar innan dataanalyse/ statistikk til fast stilling knytt til Regionalt fagsenter for kvalitetsregister i Helse Vest.    

Stillinga er organisert til Haukeland universitetssjukehus, Forskings- og utviklingsavdelinga ved Forsking og innovasjon (FOI). FOI er ei eining som mellom anna gir støtte- og rettleiingstenester innan forsking og kvalitetsregister for sjukehusa i Helse Vest-området. I alt har FOI om lag 65 medarbeidarar med høg kompetanse på ulike fagområde innan medisin, helsefag, kommunikasjon, jus, data, økonomi og forvaltning.    

Stillinga inngår i eit tverrfagleg team ved Regionalt fagsenter for kvalitetsregister i Helse Vest, som har spisskompetanse innan etablering, administrasjon og drift av kvalitetsregister, juss, IKT, dataanalyse og statistikk, og dessutan kvalitetsforbetringsmetodikk.   

Føremålet med kvalitetsregister er å dokumentere behandlingsaktivitet og behandlingsresultat, slik at dei kan brukast til å måle kvalitet og gevinst av tenestene og gi grunnlag for styring, kvalitetsforbetring og forsking. I jobben får du høve til å arbeide både sjølvstendig og i team. Stillinga inneber både rutine- og utviklingsarbeid.  

Arbeidsoppgåver

• Rettleiing og rådgiving i bruk av kvalitetsregisterdata til analyse  
• Bidra til tilgjengeleggjering av data til kvalitetsforbetring og forsking  
• Gi råd på datakvalitet, til dømes variabelutforming og registerstruktur  
• Programmere verktøy som blir nytta for analyse og rapportering av registerdata  
• Automatisere årsrapportar og andre rapportar frå registera  
• Bidra i arbeidet for automatisert datafangst til helse- og kvalitetsregister  
• Støtte sjukehusa i bruk av kvalitetsregisterdata til kvalitetsforbetring og forsking   
• Delta i fagmiljø og halde faglege innlegg i opplærings- og formidlingsverksemd, seminar og nettverk  
• Administrative oppgåver, utgreiingsarbeid, saksførebuing og oppfølging av saker osb.  
• Det kan vere aktuelt med andre oppgåver innanfor temaområdet forsking og innovasjon  

Kvalifikasjonar

• Utdanning på mastergradsnivå innan relevant fagområde 
• Erfaring med å handtere og analysere data, og kjennskap til IKT-verktøy og statistikkverktøy. God kjennskap til statistikkverktøyet R blir særskilt vektlagt. Kompetanse i andre programmeringsspråk og vilje til å setje seg inn i nye verktøy kan kompensere for manglande  R-kunnskap. 
• Dokumentert kompetanse i kvantitativ metode/statistikk 
• Ønskeleg med erfaring innan automatisering av rapportar og verktøy som er eigna til dette  
• Kjennskap til helsetenesta og/eller helsedata er ønskeleg  
• Erfaring med undervisning, møteleiing og teamarbeid er ønskeleg  
• Framifrå kunnskap og formuleringsevne i norsk munnleg og skriftleg er eit krav 
  

Personlege eigenskapar

Personlege eigenskapar vil bli vektlagt.

• Engasjert, fleksibel og serviceinnstilt
• Evne til å arbeide sjølvstendig, prioritere og arbeide analytisk, effektivt, nøyaktig og systematisk
• Evne til å samarbeide i team på tvers av fag
• Ei positiv haldning til å tileigne og dele kunnskap 

Vi tilbyr

• Utfordrande og varierte arbeidsoppgåver i ein organisasjon og innan eit kunnskapsfelt i sterk utvikling
• Kompetente og engasjerte teammedarbeidarar og kollegaer i eit tverrfagleg fagmiljø
• Moglegheit for fagleg utvikling
• Lønn etter avtale

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Kari Guldbrandsøy, Fagleiar, 40225558, kari.anne.guldbrandsoy@helse-bergen.no

Arbeidsstad

Jonas Lies vei 68
5053 BERGEN

Nøkkelinformasjon:

Arbeidsgivar: Helse Bergen HF

Referansenr.: 4962069850
Stillingsprosent: 100%
Fast
Søknadsfrist: 19.05.2025