Radiologisk avdeling Ålesund ynskjer deg med på laget! 

Er du ein strukturert, serviceinnstilt og engasjert person som trivst med varierte kontoroppgåver og pasientkontakt? Då kan dette vere stillinga for deg!

 

Vi har ledig fast stilling som helsesekretær/sekretær ved Radiologisk avdeling i Ålesund.
Avdelinga er felles for Ålesund og Volda sjukehus og har ansvaret for det radiologiske tilbodet til pasientar på heile Sunnmøre. Vi tilbyr eit breitt spekter av undersøkingar innan konvensjonell røntgen, ultralyd og doppler, CT, MR, angiografi, beintetthetsmåling og nukleærmedisin med både PET og SPECT. Radiologi er eit framtidsretta fagfelt i rask utvikling, og våre tilsette arbeider dagleg med avansert teknologi i ei travel, men spanande kvardag.

Radiologiske undersøkingar er ein viktig del av pasientforløpet, både for innlagde og polikliniske pasientar. Vi har tett samarbeid med dei fleste kliniske avdelingane i sjukehuset og speler ei sentral rolle i pasientbehandlinga. Vi søkjer deg som trivst med ulike merkantile oppgåver, både i samarbeid med kolleger og i møte med pasientar. Du må vere lærevilleg og handtere arbeidsdagar med høgt tempo. Vi ynskjer oss nokon som kan medvirke positivt i avdelinga, både fagleg og sosialt.

 

Helse Møre og Romsdal HF ynskjer at medarbeiderane våre skal speile mangfoldet i befolkninga, og vi oppfordrar kvalifiserte til å søke hos oss uansett kjønn, alder, funksjonshemming, nasjonal eller etnisk bakgrunn. Det samme gjeld dersom du har hatt eit opphold i arbeidslivet. 

Intervju blir gjort fortløpande, og oppstart i stillinga er ønska snarast. I tillegg til søknad og CV, ber vi om at du lastar opp vitnemål og tenestebevis/attestar som vedlegg. Dette for å dokumentere kvalifikasjonar som kjem fram i CV, og til å fastsette lønn.

Arbeidsoppgåver

• Betene telefon og vere ein viktig kontaktperson for pasientar og samarbeidspartnarar
• Registrere pasientar ved ankomst
• Kassaregistrering
• Administrere ventelister og setje opp timeavtalar
• Utføre ulike kontoroppgåver etter behov
• Kveldsvakter må påreknast

Kvalifikasjonar

• Autorisasjon som helsesekretær er ønska, men ikkje krav
• Relevant praksis
• God digital kompetanse

Personlege eigenskapar

• Du er nøyaktig, strukturert og ansvarsbevisst
• Du har godt humør og er serviceorientert
• Du arbeider godt både sjølvstendig og i team
• Du er lærevillig, fleksibel og tek initiativ
• Du bidreg til eit godt arbeidsmiljø

Personleg eignaheit vil bli vektlagt

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

 

Om Ålesund

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Ikkje kjent i området? Sunnmøre er eit eldorado av fjordar, fjell, vakre byar, historie, kulturliv og aktivitetar både for vaksne og born. På Sunnmøre vil du trivast!  Med Ålesund som utgangspunkt har du kort veg, både til høge fjell og til sjø, samt nærleik til flyplass (ca 25 min fra sjukehuset) som byr på gode høve for å nå destinasjonar i både innland og utland.  Ålesund og Sunnmøre - der fjell møter fjord.

Kontaktinformasjon

Lisa Steinberg, Seksonsleiar, lisa.steinberg@helse-mr.no

Arbeidsstad

Åsehaugen 5
6017 ÅLESUND

Nøkkelinformasjon:

Arbeidsgivar: Helse Møre og Romsdal HF

Referansenr.: 4947133899
Stillingsprosent: 100%
Fast
Søknadsfrist: 21.04.2025