Vil du bli med i vårt team å byggje framtidas hurtigbåtar?

Strukturingeniør - Konstruksjon

Oma Baatbyggeri AS søkjer ein erfaren og løysingsorientert strukturingeniør. Fortrinnsvis med erfaring innen skipskonstruksjon og skrogstruktur.

Hos oss blir du ein sentral del av utviklinga og produksjonen av framtidas båtar -- og får følgje prosessen frå idé og design til ferdig levert fartøy.

Om stillinga

Som strukturingeniør blir du ein sentral del av vårt konstruksjonsteam og rapporterer til konstruksjonssjef. Du vil jobbe tett saman med både produksjon og design, og bidra til å utvikle tekniske løysingar som held høg kvalitet -- både funksjonelt og estetisk.

Dine arbeidsoppgåver:

• Utarbeiding av teikningar og produksjonsunderlag i tråd med spesifikasjonar og kontraktar.

• Konstruksjon og styrkeberekning av fartøy.

• Oppfølging og samarbeid med produksjon og andre tekniske fag.

• Andre oppgåver etter avtale med konstruksjonssjef.

Kvalifikasjonar:

• Ingeniørutdanning innan konstruksjon eller marineteknikk.

• Erfaring frå arbeid med konstruksjonsberekningar, helst innan fartøy eller maritim næring.

• God kjennskap til teikneprogram som AutoCAD 2D og gjerne Rhino3D eller tilsvarande.

• God teknisk forståing og evne til å tenkje praktisk.

• Gode kommunikasjonsevner på norsk og engelsk.

Personlege eigenskapar

• Strukturert og nøyaktig.

• Løysingsorientert og samarbeidsvillig.

• Ansvarsbevisst og engasjert i faget.

Vi tilbyr:

• Varierte og utfordrande arbeidsoppgåver.

• Moglegheit til å påverke design og konstruksjon i eit miljø med korte beslutningsvegar.

• Sterkt fagleg miljø -- Vi er ein solid og veletablert bedrift med eit sterkt fokus på kvalitet og berekraft. Du vil jobbe saman med dyktige og erfarne fagfolk i eit miljø der vi deler kunnskap og erfaring for å oppnå dei beste resultata.

• Gode utsikter for karriereutvikling -- Vi er i ei spennande vekstfase, og det er store moglegheiter for personleg og fagleg utvikling.

• Konkurransedyktige betingelsar -- Vi tilbyr konkurransedyktig lønn og ein kompensasjonspakke som inkluderer helseforsikring, obligatorisk tenestepensjon (OTP) og AFP-ordning og uføreforsikring.

• Gode arbeidsforhold -- Hos oss får du jobbe i eit godt arbeidsmiljø med fokus på helse, tryggleik og trivsel. Vi trur på ein god balanse mellom arbeid og fritid, og legg til rette for at du kan vere ein del av eit positivt og støttande team.

Om Oma Baatbyggeri AS

Oma Baatbyggeri AS er leiande innan design, utvikling, konstruksjon og bygging av lettbygde, hurtiggåande aluminiumfartøy, og har levert kvalitetsfartøy i over 100 år. Vi er kjende for høg teknisk standard og godt handverk.

Skriftlig søknad med kopi av attestar og vitnemål sendes til:

Oma Baatbyggeri

v/ Roger Johnsen: e-mail: roger@oma.no Mobil: 94 53 41 84

For meir informasjon om oss, besøk; oma.no