Økonomileiar 

Vanylven kommune har ledig stilling som økonomileiar.

Er du ein dyktig økonom med eit sterkt engasjement for lokalsamfunnet? Vår kommune med vel 3000 innbyggjarar søkjer ein positiv og kompetent økonomileiar som kan bidra til å styrke vår økonomiske styring og utvikling.

Økonomileiar skal vere støtte og rådgjevar for kommunen sitt tenesteapparat og ein aktiv pådrivar for heilheitstenking og utvikling av kommunen. Organisasjonen er i kontinuerlig utvikling, og har fokus på fleksibilitet og tverrfaglig samarbeid.
Som økonomileiar vil du få ei sentral rolle og du vil delta i arbeidet med organisasjonsutvikling, planarbeid, økonomirådgjeving og opplæring. Det er difor viktig at du er framtidsretta og har god formidlingsevne.
Du vil også verte ein del av kommunedirektøren si leiargruppe samt fagleiar for teamet økonomi og lønn. Vi nyttar ERP-systemet Visma Enterprise og Framsikt nyttast for budsjettering. 

Vanylven kommune tilbyr også nedbetaling av studielån med 15% per år i arbeid, maks 28 000,- per år, etter nærare retningslinjer.

 

Arbeidsoppgåver

• Fagleg ansvar for kommunen sin overordna økonomistyring og finansforvaltning
• Ansvarleg for økonomiplan, årsbudsjett, rekneskap, årsmelding og økonomirapportering
• Bistå kommunedirektøren og tenesteytande einingar innan økonomiområdet
• Bistå organisasjonen med innkjøp og anskaffingar
• Systemansvarlig for kommunen sitt økonomi-/ERP-system
• Leie og utvikle dei funksjonane som ligg til stillinga sitt ansvarsområde
• Økonomisk rapportering
  - Tertialrapportering
  - Årsrekneskap og årsmelding 
  - Kostra (SSB) 
  - Moms/momskompensasjon
• Andre oppgåve kan bli lagt til stillinga

Kvalifikasjonar

• Relevant utdanning på høgskule- eller universitetsnivå innan økonomi
• Erfaring med rekneskapsføring, økonomistyring og budsjettarbeid frå kommunal sektor
• Dokomentert erfaring for rekneskaps- og lønnsarbeid i Visma Enterprise.
• Dokumentert erfaring frå budsjettarbeid i Framsikt.
• God munnleg og skriftlig framstillingsevne
• Gode IKT-kunnskapar.

Personlege eigenskapar

• Gode samarbeidsevner
• Analytisk og strukturert
• Utviklings- og løysingsorientert
• Evne til å jobbe sjølvstendig og tverrfagleg
• Positiv og godt humør

Vi tilbyr

• Eit positivt arbeidsmiljø med faglege og personlege utviklingsmoglegheiter
• Nedbetaling av studielån
• Utfordrande og spennande arbeidsoppgåver og et godt arbeidsmiljø med dyktige medarbeidarar
• Konkurransedyktig vilkår

Kontaktinformasjon

Eli Tefre Nordal, ass. kommunedirektør, 41424805, eli.tefre.nordal@vanylven.kommune.no
Andreas Nørve, Kommunedirektør, +47 92847803, andreas.norve@vanylven.kommune.no

Arbeidsstad

Rådhusvegen 1
6143 Fiskåbygd

Nøkkelinformasjon:

Arbeidsgivar: Vanylven kommune

Referansenr.: 4980862382
Stillingsprosent: 100%
Fast
Søknadsfrist: 29.06.2025