Hospitaldrift er ei av avdelingane i Drift/teknisk Divisjon i Helse Bergen og leverer ikkje-medisinske tenester og produkt til føretaket. Hospitaldrift har 8 einingar og om lag 800 medarbeidarar. Hospitaldrift Transport er ei av einingane i Hospitaldrift. Vi utfører portørtenester, forsyningstenester, avfallshandtering og andre interne transporttenester for helseføretaket. Vi har om lag 120 medarbeidarar og er delt i tre seksjonar. Seksjon for Miljøhall og Varetransport, Seksjon for Pasientportørar og Seksjon for Forsyningsportørar.

Forsyningstenesta er ein intern serviceseksjon og har som hovudoppgåve å bestille og levere varer som medisinske væsker og forbruksvarer, mat og tøy til avdelingane i sjukehuset. Vi organiserer lager på avdelingar inkludert vareutplassering og haldbarheitskontroll. Seksjonen står også for henting av avfall og skittentøy samt transport av blodprodukt, prøvar og utstyr. Seksjonen er organisert med seksjonsleiar, 3 driftskoordinatorar og har om lag 50 tilsette ved seksjonen.

Vi søker etter ein engasjert og motivert driftskoordinator i fast 100% stilling. Driftskoordinator rapporterer til seksjonsleiar og er eit operativt bindeledd mellom drift og leiing og ein viktig bidragsytar for at seksjonen skal nå sine mål.

Arbeidsoppgåver

• Koordinering av drift internt og eksternt, dette inneber dag til dag styring og sikre god ressursbruk
• Ta imot fråvære, tilkalle vikarar og omfordele ressursar ved behov
• Vere aktiv tilstades og delta i praktiske oppgåver
• Støtte til leiar for ivaretaking av seksjonens driftsoppgåver
• Førebygge og løyse interne utfordringar som oppstår, om nødvendig i samarbeid med seksjonsleiar
• Legge til rette for, og sikre gjennomføring av opplæring
• Bidra til kontinuerleg forbetring
• Utvikle og vedlikehalde eit godt samarbeid med ulike samarbeidspartnarar
• Bidra til at einingas mål og handlingsplanar blir iverksett

Kvalifikasjonar

• Fagbrev i logistikk/helsefag eller annen utdanning / eller relevant erfaring kan kompensere for manglende utdanning
• Førarkort klasse B
• Godt kjennskap til Libra/ SAP
• Kjennskap til Forsyningstenesta i Helse Bergen er ein fordel
• Erfaring med å oppnå resultat i samarbeid med andre er ein fordel  

Personlege eigenskapar

• Du bidrar positivt til eit fagleg og kollegialt godt miljø
• Du har god fagleg vurderingsevne, arbeider målretta og strukturert
• Du er punktleg og påliteleg
• Du må kunne arbeide godt både sjølvstendig og i team
• Du tilpassar deg lett, er løysingsorientert og fleksibel
• Du evner å delegere på rettferdig vis
• Du kommuniserer og samarbeider godt med kollegaer og andre yrkesgrupper
• Du arbeider målretta og tåler å stå i krevande situasjonar
• Du trivast med å arbeide i eit tverrfagleg miljø og meistrar høgt tempo
• Du er god til å sjå kva som må gjerast, og tilbyr og mottar gjerne hjelp

Vi tilbyr

• Ei spennande og utfordrande jobb
• Lønn i samsvar med gjeldande overeinskomst
• Gode pensjons- og forsikringsordningar
• Eit meningsfylt arbeid som gir personleg utvikling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Unni Stensland, Seksjonsleiar, unni.stensland@helse.bergen.no
Mona Halvorsen, Einingsleiar, 92977678, mona.halvorsen@helse-bergen.no

Arbeidsstad

Haukelandsveien 26B
5009 Bergen

Nøkkelinformasjon:

Arbeidsgivar: Helse Bergen HF

Referansenr.: 4948617187
Stillingsprosent: 100%
Fast
Søknadsfrist: 28.04.2025