Sjukepleiar/spesialsjukepleiar

Velkomen som søker til natt-stilling i sengepost for kreft og blodsjukdommer i Kreftavdelinga, Ålesund sjukehus!

Sengepost for kreft og blodsjukdommer er arbeidsplassen for deg som ønsker å utvikle deg både som fagperson og menneske. Vi arbeider i eit svært spennande og givande fagområde der det er stor moglegheit for å fordjupe seg i heilskapleg sjukepleie og ulike medisinske tilstandar. Dette er ein sengepost med 20 sengeplassar som omfattar fagområda onkologi, palliasjon og hematologi.
I avdelinga finn ein mange dyktige medarbeidarar, og vi har eit trygt og godt arbeidsmiljø. I avdelinga har vi fokus på fagleg utvikling og vi tilbyr god opplæring med ein erfaren sjukepleiar. Vi har no ledige stillingar på natt i 61 % og 50% stilling, men stillingsprosent kan tilpassas etter behov. Tilsetting etter avtale.

Arbeidsoppgåver

Som sjukepleiar på sengeposten har du ansvar for å yte avansert sjukepleie til pasientar og pårørande i alle fasar av sjukdommen deira. Døme på dette er pasientar som får medikamentell kreftbehandling, strålebehandling og palliativ behandling. Ein arbeider heilskapleg og tverrfagleg i høve til behandling, symptomlindring, informasjon, koordinering av tenester, omsorg og støtte.

Kvalifikasjonar

• Offentleg godkjendt autorisasjon som sjukepleiar
• Vidareutdanning innan onkologi, palliasjon eller annan relevant vidareutdanning kan vere ein fordel
• Gode norskkunnskapar, både munnleg og skriftleg
• God IKT-kompetanse
• Interesse for arbeid knytta til pasientsikkerheit og forbetringsarbeid

Personlege eigenskapar

• Du er pasientorientert og framtidsretta
• Du viser fagleg engasjement i ditt arbeid
• Du er fleksibel, initiativrik og endringsvillig
• Du arbeider strukturert, er ryddig og nøyaktig
• Du medverkar til eit godt arbeidsmiljø og har god evne til samarbeid

Å vere personleg eigna vert vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her. 

Vi ber om at attestar og vitnemål vert lasta opp som vedlegg til søknaden din.

Kontaktinformasjon

Liv Bodil Angvik Ipsen, Seksjonsleiar, +47 70106985, Liv.Bodil.Angvik.Ipsen@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5017043619
Stillingsprosent: 61%
Fast
Startdato: 01.12.2025
Søknadsfrist: 01.10.2025