Er du vår nye lærling i helsefagarbeidarfaget?

Er du omsorgsfull, engasjert og klar for ei meiningsfull karriere? Me søkjer etter motiverte lærlingar i helsefagarbeidarfaget til vårt flotte og kompetente team.

Som lærling vil du få prøva deg på minst to arbeidsplassar, og me legg til rette for at du får tileigna deg teoretisk og praktisk kunnskap, samstundes som du får bidra med eigen kunnskap og idear. Du vil samarbeida med din rettleiar og andre medarbeidarar på dei ulike einingane i kommunen. 

Lærlingar har rettigheiter og plikter på lik linje med andre tilsette. Me legg til rette for at du får den opplæringa som er fastsatt i læreplanen, og forventar tilbake at du deltek aktivt for å nå måla i læreplanen. Dette inneber deltaking i planlegging og vurdering av eige arbeid. 

Arbeidsoppgåver

• Grunnleggande sjukepleie, førebyggande tiltak, tilrettelegging og bistand ut frå funksjonsnivå og omsorgsbehov
• Miljøarbeid og aktivisering for å skapa ein trygg og triveleg kvardag for brukarane 
• Tverrfagleg samhandling

Ønska kvalifikasjonar

• Fullført og bestått VG1 og VG2 innan helsefag
• Kvalifisert for lærekontrakt

• God norsk munnleg og skriftleg framstillingsevne

   

Ved ei eventuell tilsetjing må du leggja fram:

• Politiattest, jf. helse- og omsorgstenestelova § 5-4.
• Eigenerklæringsskjema for MRSA og tuberkulose.

Personlege eigenskapar

Me ser etter deg som 

• er lærelysten og interessert
• har evne til å visa empati og respekt for andre
• har gode samarbeidsevner
• vil læra i samspel med andre.

Me tilbyr

Lærlingetida i Tysnes kommune gjer deg høve til å bygga ein god og bred kompetanse som gjer deg attraktiv som arbeidstakar.

I Tysnes kommune vil du saman med gode medarbeidere være med å utvikla tenestene i tråd med Tysnes kommune sine målsetjingar, plikter og verdigrunnlag. Som tilsett vil man ha ein unik moglegheit til å tileigna deg erfaring og kompetanse fra klinisk praksis, og arbeidsplassen vil bidra med god rettleiing.

Hos oss får du høve til å jobba og utvikla deg i ein sektor med høgt fagleg engasjement og tett samarbeid med andre fagområde. Me legg til rette for fagleg utvikling, kompetansehevande tiltak og for oppmelding til fagprøven.

Du vil òg få:

• Oppfølging og rettleiing
• Fagleg og personleg utvikling
• Eit godt arbeidsmiljø med engasjerte kollegaer
• Lønn og arbeidsvilkår i samsvar med tariffavtale og lokale lønnspolitiske retningsliner   

Høyres dette spennande ut? Då ser me fram til ein søknad frå deg.

Mangfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.