Kommunalsjef oppvekst

Vår dyktige kommunalsjef for oppvekst skal etter kvart gå av med pensjon, og me er no på jakt etter hennar etterfølgjar. Stillinga som kommunalsjef oppvekst er ein spennande og krevjande toppleiarstilling, og inngår i rådmannen sin strategiske leiargruppe ilag med ass.rådmann, økonomisjef, kommunalsjef helse og omsorg og kommunalsjef teknisk. Saman er vårt oppdrag å arbeide heilskapleg med utvikling av kommunen og organisasjonen vår.

Som deltakar i rådmannen si leiargruppe er det forventa stor evne til å bidra på tvers av kommunen sine tenesteområde, og at kommunalsjefane våre er tydelege pådrivarar for tverrsektoriell samhandling og tenesteutvikling til det beste for innbyggjarane i Tysnes.

Kommunalsjef oppvekst har i sin portefølje ansvar for grunnskule, barnehage, vaksenopplæring, eining for barn og familie inkl. barnevern, helsestasjon/skulehelseteneste og kulturskule. Pedagogisk psykologisk teneste (PPT) har me i samarbeid med nabokommunane Stord og Fitjar, med Stord som vertskommune. Som ein del av det regionale samarbeidet mot Midthordland og  Sunnhordland er etablert gode nettverk mellom kommunalsjefane. Den som vert tilsett må pårekna at oppgåveportefølja kan endrast.

Kommunalsjefen må inneha skulefagleg kompetanse, og me ønskjer oss ein leiar med god gjennomføring- og formidlingsevne som bidreg aktivt til å skape engasjement og stoltheit i sektoren. Stillinga inneber overordna fag-, økonomi- og personalansvar. Etaten satsar sterkt på førebyggjande tenester til barn og unge, og er sett saman av svært kompetente og fagleg sterke medarbeidarar som har eit stort hjarte for barn og unge i kommunen vår.  

Arbeidsoppgåver

• Kommunal planlegging herunder utarbeiding av kommuneplanar, budsjett- og økonomiplan, rammeplanar og kommunedelplanar
  
• Rapportering, årsmelding og resultatkontroll
  
• Utgreie og førebu politiske saker til politiske organ, samt oppfølging og iverksetting av politiske vedtak
  
• Organisasjonsutvikling og generelt utviklingsarbeid
  
• Rettleiing, leiarstøtte og oppfølging av stab, leiarar og einingar
  
• Representere kommunen i dialog med andre kommunar, fylkeskommunen og statlege organ, samt delta i aktuelle utviklingsprosjekt
  
• Sikre god samhandling og medverknad gjennom LTV-møte

Kvalifikasjonar

• Skulefagleg kompetanse jf. opplæringslova § 13-1 fjerde ledd
  
• Relevant utdanning på høgskolenivå og erfaring innan sektoren. Tilleggsutdanning innan administrasjon/økonomi/leiing er ein fordel
  
• God økonomiforståing og kompetanse på økonomiforvalting
  
• Erfaring med leiing og administrasjon frå liknande verksemd, herunder personalansvar.
  
• Kjennskap til offentleg forvalting og saksbehandling
  
• Samfunnsorientert og fagleg godt oppdatert på viktige utviklingstrekk innanfor ansvarsområdet
  
• Gode munnlege og skriftlege norskkunnskapar. Tenestemålet i Tysnes er nynorsk

Dette kjenneteiknar vår nye kommunalsjef

• Ein tydeleg og strategisk leiar som er samlande, synleg og omsorgsfull 
  
• Har evne til å sjå «heile laget», sette mål, arbeide målretta og resultatorientert 
  
• Er løysingsorientert, har gode samarbeidsevner og forstår viktigheita med eit godt partssamarbeid
  
• Bidreg til eit godt arbeidsmiljø ved å motivere og skape trivsel blant medarbeidarane 
  
• Har stor arbeidskapasitet og gjennomføringskraft 
  
• Har evne til å utøve eit godt skjønn (både etisk og juridisk)
  
• Kommuniserer tydeleg og positivt, er ein omdømebyggjar
  
• Evner å sjå sitt delegerte ansvarsområde i eit heilskapleg perspektiv og bidreg aktivt til samhandling på tvers av kommunen sine tenesteområde

Me tilbyr

• Ei sentral rolle for deg som vil vera med å påverka og utvikle lokalsamfunnet
  
• Stor variasjon i arbeidsoppgåver og arbeidskvardagen
  
• Ein velfungerande organisasjon med engasjerte politikarar
  
• Gode moglegheiter for fagleg og personleg utvikling
  
• Ein inkluderande arbeidsplass på rådhuset med eit godt arbeidsmiljø og dyktige kollegaar
  
• Løn etter avtale og gode forsikrings- og pensjonsordningar
  
• Moglegheit til å jobbe i ein av Noregs vakraste kommunar, med eit aktivt næringsliv og engasjerte innbyggjarar!
  
• Tidspunkt for tiltreding vert avklart etter nærare avtale

 
Mangfaldserklæring
Tysnes kommune ønskjer å spegle mangfaldet i befolkninga i rekrutteringa vår. Me oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å leggje til rette for inkluderande rekruttering. 

Kontaktinformasjon

Steinar Dalland, Rådmann, 97546500, steinar.dalland@tysnes.kommune.no
Tommy René Stordal, Assisterande rådmann, 90754142, tomsto@tysnes.kommune.no

Arbeidsstad

Uggdalsvegen 301
5685 Uggdal

Nøkkelinformasjon:

Arbeidsgivar: Tysnes kommune

Referansenr.: 4633656161
Stillingsprosent: 100%
Fast
Søknadsfrist: 16.04.2023