Stadig vekst krev dyktige hender

Vil du vera med på å rusta Sogn for det grøne skiftet? Å utgjera ein forskjell og vera med å forma regionen for framtida? Søk deg inn som energimontør i Sygnir! Vår drift av samfunnskritisk infrastruktur krev topp kvalifiserte energimontørar. Omringa av det kanskje vakraste og råaste kontorlandskapet i Noreg står våre montørar ovanfor utfordringar som krev både kreativitet og teknisk ekspertise. Om du har fagbrev som energimontør, og ynskjer å arbeida i Noreg sitt brattaste nettselskap, vil me høyra frå deg!

Me har for tida ledig stilling på montørbasane i Aurland og Sogndal.

Arbeidsoppgåver

• Byggja, montera og dokumentera kabelanlegg, nettstasjonar, transformatorstasjonar og linjer i små og store prosjekt
• Drift og vedlikehald av eksisterande nettanlegg
• Kan bli pålagd å delta i Sygnir si vaktordning

Ynskja kvalifikasjonar

• Fagbrev energimontør
• Førarkort klasse B, og gjerne klasse C
• Flytande i norsk, både munnleg og skriftleg

Personlege eigenskapar

• Stor vekt på HMS, og du tek aldri snarvegar
• Evne til å skapa ein trygg og sikker arbeidskvardag
• Fagleg dyktigheit og ein naturleg problemløysar
• Sjølvstendig arbeidsstil, kombinert med gode samarbeidsevner
• Dyktig til å ta i bruk digitale verktøy
• Rettleia og vera eit førebilete for lærlingane

Du lurer kanskje på kva me kan tilby deg?

• Moglegheit for støtte til vidare og etterutdanning
• Treningstilskudd og personalforeining. Her finnes det noko for ein kvar smak!
• Gode pensjonsordninger (6% av lønn inntil 7,1G -- 18% av lønn mellom 7,1G og 12G)
• God person- og reiseforsikring, samt behandlingsforsikring
• 7,5 timars arbeidsdag med betalt lunsj

Ta kontakt med baseleiar Hans-Erik Vikøren på tlf. 99 09 90 43 om du har spørsmål vedrørande stillingane i Aurland og Lærdal, og baseleiar Martin Hove på tlf. 94 85 66 06 vedrørande stillinga i Sogndal.

Før me ønskjer den rette kandidaten velkomen til oss, vil me gjennomføre ein bakgrunnssjekk og personkontroll i samsvar med kraftberedskapsforskrifta. Aktuelle kandidatar vil få nærare informasjon om dette.