Om stillingane  

Kom og jobb som lærar i Gulen kommune - de er hjartleg velkomne! 

Gulen kommune, for tida ved Eivindvik barnehage og skule, har frå nytt skuleår ledig fylgjande: 

• I inntil 100% fast lærarstilling frå 01.08.2025
• I inntil 100% fast lærarstilling frå 01.08.2025
• I inntil 100% mellombels lærarstilling frå 01.08.2025 - 31.07.2026

 Eivindvik barnehage og skule består av 1-10- skule og barnehageavdeling. Det er pr. no 65 elevar ved skulen. Klikk deg inn her for meir informasjon om skulen. 

Arbeidsoppgåver/kompetanse 

Eivindvik barnehage og skule er ein av fire skular i Gulen kommune. Skulane er relativt små 1-10- skular, kor dei ulike klassetrinna vekslar på å ha undervising åleine og saman med andre klassetrinn. For å få dekka all undervising ved skulane, er vi avhengig av at dei faste lærarane har undervisingskompetanse i fleire fag. Ved tilsetjing vil vi vurdere kompetansen hjå søkjarane knytt opp mot den samla kompetansen og behovet i eininga. Vi søkjer derfor etter lærarar som har breid undervisingskompetanse. 

Me søkjer i utgangspunktet grunnskulelærarar på 1-7 klasse. Undervisingskompetanse i blant anna norsk, engelsk, begynnaropplæring er aktuelt. Gode norskkunnskapar, både munnleg og skriftleg er naudsynt.

Personlege eigenskapar 

• Er fagleg bevisst og godt førebudd til undervisning
• Har gode kommunikasjonsevner, samhandlar godt med elevane og er ein tydeleg klasseleiar
• Samarbeider aktivt i det profesjonsfaglege fellesskapet om utviklinga av læringmiljø og læringsutbytte
• Gode IKT- kunnskapar
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering
• Løn etter tariff