Bonde/kulturlandskapsforvalter på Lyngheisenteret

Om stillinga

Lyngheisenteret er eit av musea i MUHO (Museumssenteret i Hordaland).
Lyngheisenteret på Lygra er eit nasjonalt og internasjonalt kunnskaps- og informasjonssenter for kystlyngheiane. Landskapet har kulturhistoriske røter 5000 år tilbake i tid og er del av Unescos biosfæreområde. Gjennom aktiv tradisjonell drift av garden og lyngheiane med brenning og beiting med Gamalnorsk sau, vernar vi lyngheilandskapet og formidlar kunnskap og tradisjonar som gjev gode opplevingar til besøkjande. Drifta er i eit nært samarbeid med grunneigarane på Ytre Lygra.

Vi samarbeidar med Universitet i Bergen (UiB) og andre institusjonar om forsking og forvaltning av kystlyngheiene i eit miljø- og berekraftperspektiv.  Vi leiar det nasjonale lyngheinettverket og deltar aktiv i det Europeiske nettverket for lyngheier.

Lyngheisenteret tilbyr kurs, undervisning og ulike aktivitetar knytt til kulturlandskapet. I infosenteret er det utstilling, møterom, auditorium og kafé/restaurant m.m. Dei neste åra er det mål om å realisere nytt utstillingsbygg på Lyngheisenteret. 

 Vi har no ledig 100% fast stilling som bonde/kulturlandskapsforvaltar ved Lyngheisenderet. Den som blir tilsett vil bli ein tradisjonsberar  som kan halde fram det gode arbeidet med skjøtsel og drift av garden og lyngheia med utgangspunkt i fiskarbonden sin kvardag.

Vi ser etter deg som kan bidra med drivkraft og inspirasjon for å utvikle og løfte Lyngheisenteret for framtida. Du  får ei viktig rolle i å bygge og skape gode relasjonar med våre samarbeidspartnarar, nettverk og besøkande.

Du vil få ein variert arbeidskvardag, nært knytt til årssyklusen til kulturlandskapet. 
Stillinga krev at du er løysingsorientert, fleksibel, lærevillig, har gode samarbeidsevne og er i god fysisk form. 

Du trivst i ein liten avdeling med 6 faste tilsette og fleire sesongtilsette. Samarbeid med andre avdelingar i MUHO må påreknast. 
 

Arbeidsoppgåver

Praktisk gardsdrift : 

Sentrale oppgåver er planlegging og gjennomføring av praktisk arbeid knytt til stell av dyr, gardsdrift og landskapsforvalting, i hovudsak ved å praktisere tradisjonelle driftsmetodar. Arbeidet byggjer på skjøtselsplan, fagplan og strategiske prioriteringar. Arbeidet utførast både som del av eit team eller som sjølvstendig arbeid. 

Tradisjonsberar: 

Ivareta og vidareføre lokal, handlingsbåren kunnskap om gardsdrifta, skjøtsel av lyngheiene og den tradisjonelle ressursforvaltninga.

Formidling: Ta del i formidlinga av gardsdrifta, historia og kulturarven til besøkjande ved behov. 

Vedlikehald:  Ta del i vedlikehald av utstyr, reiskapar, maskiner, båtar og bygningar.

 

Kvalifikasjonskrav

Vi ser etter deg som har: 

• Relevant erfaring som bonde/skjøtselsarbeider. 
• Kjennskap til tradisjonelt (mindre maskinelt) landbruk
• God skriftleg og munnleg framstillingsevne i norsk og engelsk
• Må kunne bruke digitale system og verktøy som MUHO nyttar
• Lyngheisenteret er lokalisert på Lygra og du må ha førarkort.

Det er ein fordel om du har: 

• relevant utdanning.
• erfaring med søknads-/rapportskriving 
• kjennskap til forvalting av kystlynghei 

Den som blir tilsett må ha interesse og glede av å jobbe med ivaretakelse av kulturlandskap og tradisjoner:  

• Du har engasjement og motivasjon for bevaringsarbeid. 
• Du er praktisk anlagt og liker fysisk arbeid i utemiljø.
• Du jobbar godt sammen med andre, likeledes har du evne til  å jobbe sjølvstendig og ta eige ansvar. 
• Du er strukturert, målretta og liker nye utfordringar.

Lyngheisenteret er ein gard med mange besøkjande og du må trives med å omgås, ta imot og formidle kunnskap til publikum. 

Stillinga har krav om vandelsattest

Vi tilbyr

• Ein spennande og utfordrande jobb på eit unikt museum i sterk utvikling
• Moglegheit til å vere med å utforme museet for framtida
• Godt arbeidsmiljø og varierte oppgåver.
• 100% fast stilling.
• God forsikrings- og pensjonsordning.
• Telefonordning
• Lønn etter avtale/tariff.

• MUHO er ein mangfoldig og inkluderande arbeidsplass.

  Våre verdiar er likeverd, openheit, kompetanse og engasjement, og vi søkjer deg som kan identifisere deg med og arbeide etter desse verdiane.