Heimehelp- 100 % vikariat - heimebaserte tenester

Vil du gjere ein skilnad i kvardagen til andre mennesker?

Me søker ein engasjert og påliteleg medarbeidar til 100 % vikariat innan praktisk bistand/heimehjelp, med oppstart snarast og varigheit til 28.02.2027.

Heimetenesta yter praktisk hjelp og heimebaserte tenester til innbyggjarar i den flotte kommunen vår – både i omsorgsbustader og i private heimar. Som heimehjelp får du ein variert og aktiv arbeidsdag, med tett kontakt med menneske i ulike livssituasjonar.

Heimehjelptenesta er ein del av heimebaserte tenester og samarbeider tett med heimesjukepleien. 

Hos oss får du ein variert arbeidskvardag, med høve til å jobbe sjølvstendig og i team - alltid med brukaren i sentrum. Me tilbyr god opplæring, rettleiing og fagleg utvikling gjennom kurs, internundervisning og refleksjonar i kollegagruppa. 

Du blir ein del av eit inkluderande arbeidsmiljø der latteren sit laust, og der me samarbeider godt, støtter kvarandre og finn løysingar saman i ein travel og variert arbeidskvardag.

Arbeidstida er for tida turnus med arbeid kvar 3.helg. Heimehjelp går berre føre seg på dagtid på vekedagar. Sporadiske oppdrag for heimesjukepleia kan førekomme. I tillegg inneber stillinga arbeid i pleie med heimesjukepleia frå fredag kveld, laurdag og søndag, for tida kvar 3 helg.

Arbeidsoppgåver 

• Praktisk hjelp i brukar sin eigen heim, under dette reingjering og husarbeid mm.
• Personleg assistent til ein brukar med inntil 21 timar per veke.
• Samarbeid med heimetenesta om oppfølging av bruker.
• Observera og melde frå om endringar i tenestemottakar sin helsetilstand.
• Enkle og tilpassa oppdrag for og i heimesjukepleien.
• Delta aktivt i fagutvikling og kvalitetsarbeid.
• Dokumentere og rapportere i fagsystema.
• Bidra til eit godt arbeidsmiljø.

Kvalifikasjonskrav

• Relevant erfaring innan helse og omsorg er ønskeleg.
• Erfaring med brukargruppa og arbeid med pårørande i alle aldrar.
• Førarkort klasse B utan kode 78 (automatgir) og disponere eigen bil.
• Gode norskkunnskapar, både munnleg og skriftleg.

Ved tilsetting må politiattest leggast fram, jf. helse- og omsorgstenestelova § 5-4.
Det er også krav om utfylling av eigenerklæringsskjema for MRSA og tuberkulose.

Personlege eigenskapar

Me ser etter deg som:

• god relasjonskompetanse og evne til å møta menneske med respekt og omsorg.
• evnar å jobbe sjølvstendig og strukturert og viser engasjement.
• fleksibel og god på å prioritere oppgåver
• har ei positiv haldning og forståing for tverrfagleg arbeid.

Personlege eigenskapar vert tillagt stor vekt. 

Kvifor skal du jobba hos oss?

Blir du motivert av å jobbe på ein arbeidsplass der me saman skal gje gode helsetilbod og verdige rammer for våre brukarar? Då trur me du vil trivast hos oss! 

Hos oss blir du ein del av ei personalgruppe med høgt fagleg fokus. Du vil få god opplæring med fokus på fagleg kvalitet. Me tilbyr ein variert og lærerik arbeidskvardag der du får utfordre deg sjølv, utvikle kompetansen din og bidra til noko som betyr noko. Du vil oppleve eit trygt og støttande arbeidsmiljø der trivsel og samarbeid står i sentrum.

Hos oss får du rammer som sikrer deg ei fornuftig balanse mellom jobb og fritid gjennom årsturnus. Arbeidstid er dagarbeidstid i kvardagar og helgearbeid i hht turnus kvar 3.helg. 

Medlemskap i KLP føl med tilsetting. Det betyr at du får blant ei av Noregs beste pensjonsordningar og høve til å søke om bustadlån med gunstige vilkår. 

Du blir tilsett i heimehjelp-stilling, med lønsplassering kapittel 4 i det kommunale regulativet. Ansiennitetstrinna går her frå 0-16 år. Lønna blir justert årleg gjennom sentrale forhandlingar. Somme år blir det gjennom dei sentrale forhandlingane også tildelt ein pott til lokale justeringar.

I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom Lånekassen si nye ordning for distriktskommunar.

Informasjon til søkar

Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar. 

Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge. 

Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.