Saksbehandlar byggesak

 

Bømlo kommune har ledig 100% fast stilling som saksbehandlar innan byggjesak og deling i eininga Arealbruk.

Me jobbar med varierte og fagleg utfordrande saker etter plan- og bygningslova, matrikkellova og forureiningslova. Målet vårt er at innbyggjarar og utbyggjarar skal oppleva oss som kunnskapsrike, rettferdige, serviceinnstilte og imøtekomande. Me handsamar mellom anna mange saker i strandsona og i større næringsområde under utvikling. Det er gode forhold for å byggja og utvida fagkompetanse.

Byggjesak og deling består i dag av fire saksbehandlarar. Me nyttar saksbehandlingssystemet eByggesak, og arkivet vårt er digitalisert. Avdelinga ligg under kommunalsjef for samfunnsutvikling og har totalt ti tilsette.

Arbeidsoppgåver

• Saksbehandling av byggje-/delesaker etter plan- og bygningslova.
• Matrikkelføring og adressetildeling.
• Saksførebuing til folkevalt organ.
• Tilsyn og klagebehandling.
• Rettleiing til kommunen sine innbyggjarar og til profesjonelle aktørar, både munnleg og skriftleg.
  
• Kompetanseutveksling med andre fagavdelingar i kommunen.
• Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 
  

Kvalifikasjonar

• Relevant utdanning frå teknisk fagskule, høgskule eller universitet, gjerne arealplanleggjar, bygningsingeniør, arkitekt eller jurist på bachelornivå.
• Lang erfaring frå saksområdet og personlege eigenskapar kan kompensera for manglande utdanning.
• Kunnskap eller erfaring frå offentleg forvaltning er ein fordel, men nyutdanna kan også søkja.
• God skriftleg og munnleg framstillingsevne på norsk.
• Erfaring med bruk av GIS-verktøy, kjennskap til bruk av elektronisk saksbehandlings-system og andre IT-verktøy.
• Må disponera eigen bil, førarkort klasse B.

Personlege eigenskapar

• Du har evne til å kommunisere og uttrykkje deg klart og forstå andre, både munnleg og skriftleg.
• Du er god til å planleggje og prioritere arbeidsoppgåver, og kan handtere tidsfristar.
• Du tek initiativ, ønskjer å hjelpe og er trygg i møte med andre. 
• Du set deg raskt inn i nye problemstillingar, er løysingsorientert og bidreg til framdrift og kvalitet i prosessane du deltek i.
• Du har eit ekte engasjement for berekraftig samfunnsutvikling og er motivert til å jobbe i eit fagmiljø prega av samarbeid og utvikling.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Fleksibel arbeidstid. 
• Løn og arbeidsvilkår i samsvar med gjeldande lov og avtaleverk.
• Som tilsett får du tilbod om medlemskap i velferdsklubb som gjev tilsettegoder.

Anna informasjon

Administrasjonsmålet i kommunen er nynorsk.
Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. 
Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.
Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.
Dersom du har spørsmål om stillinga og rekrutteringsprosessen, ta kontakt med Tone Stavland eller Lise Notland.

Kontaktinformasjon

Tone Stavland, kommunalsjef samfunnsutvikling, 906 99 714, tone.stavland@bomlo.kommune.no
Lise Notland, avdelingsleiar, 904 01 859, lil@bomlo.kommune.no

Arbeidsstad

Leirdalen 1
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5106618857
Stillingsprosent: 100%
Vikar
Søknadsfrist: 03.05.2026