Avdelingssjef for avdeling akutt, operasjon og intensiv

Vil du vere med å utvikle framtidas akutt- og operasjonsfag ved Ålesund sjukehus?

Vi søkjer ein strategisk, tydeleg og utviklingsorientert leiar til å leie Avdeling for akutt, operasjon og intensiv (AOI). Avdelinga er ei sentral eining i Klinikk Ålesund og omfattar sju seksjonar: akuttmottak, intensiv, operasjon, dagkirurgi, sterilsentral, anestesisjukepleiarar, og anestesilegar og smertepoliklinikk.

Som avdelingssjef blir du ein del av klinikken si leiargruppe og får ei nøkkelrolle i å utvikle heilskaplege og framtidsretta tenester. Ålesund sjukehus står midt i ei større omstillings- og byggeperiode der akutt- og beredskapsområdet blir vesentleg påverka – dette gir både utfordringar og store moglegheiter for rett kandidat.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg. Les meir her!

Arbeidsoppgåver

• Vere del av klinikken sitt leiarteam i linje til klinikksjef
• Overordna ansvar for akutt-, anestesi-, operasjons- og intensivfaga
• Strategisk leiing med ansvar for budsjett, personal og fag
• Vidareutvikle tenestene innan akutt, operasjon og intensiv i tråd med HMR sine mål, verdiar og strategiar
• Representere AOI internt og eksternt i relevante leiarfora
• Sikre god samhandling på tvers av fag, seksjonar og sjukehus
• Bidra aktivt i endringsprosessar og organisasjonsutvikling knytt til sjukehuset sine pågåande bygge- og omstillingsprosjekt

Kvalifikasjonar

• Relevant helsefagleg utdanning frå høgskule eller universitet
• Leiarutdanning og dokumentert leiarerfaring, fortrinnsvis frå spesialisthelsetenesta
• Solid fagleg innsikt i dei aktuelle fagområda; akutt-, anestesi-, intensiv- og operasjonsfag
• Erfaring med endringsleiing og utviklingsarbeid er ein fordel

Personlege eigenskapar

• Handlekraftig, endringsvillig og tydeleg – med evne til å motivere og inspirere medarbeidarar
• Strategisk, analytisk og heilskapleg i arbeids- og leiingsstil
• God relasjonsbyggjar med sterk evne til å skape tillit og fremje samarbeid
• Evne til å handtere komplekse problemstillingar og skape struktur og retning i ein travel kvardag
• Personleg eignaheit vil bli vektlagt

Vi tilbyr

• Ei sentral og meiningsfull leiarrolle i eit av dei mest komplekse fagområda i sjukehuset
• Moglegheit til å påverke utviklinga av desse fagområda  i ei tid med store endringar
• Sterkt tverrfagleg samarbeid og kompetente fagmiljø
• Gode støttefunksjonar innan HR, økonomi, kommunikasjon og BHT
• Ei inkluderande intern leiargruppe som ønskjer at du skal lukkast
• Fridom under ansvar
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.     

Kontaktinformasjon

Øyvind Nytun, Klinikksjef, Oyvind.Nytun@helse-mr.no

Arbeidssted

Åsehaugen 5
6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5012418848
Stillingsprosent: 100%
Fast
Søknadsfrist: 18.03.2026