Fagkonsulent/Vernepleiar/ Bachelorutdanna fagperson med vidareutdanning i psykisk helse 

Habiliteringsavdelinga for vaksne er ein del av ReHabiliteringsklinikken, som òg omfattar Avdeling for fysikalsk medisin og rehabilitering (AFMR) og Regionalt kompetansesenter for habilitering og rehabilitering.

HAVO gir tenester til vaksne med medfødd eller tidleg erverva funksjonsnedsetting. Fagfeltet er både spennande og variert, og har berøringspunkt mot fleire andre spesialområde. Oppfølginga av pasientar skjer ofte i tett samarbeid med kommunale tenester, pårørande, psykisk helsevern og andre einingar i spesialisthelsetenesta. Dei sentrale arbeidsoppgåvene i HAVO er utgreiing, rettleiing og behandling, samt vurdering og rådgiving i tråd med Helse- og omsorgstenestelova kapittel 9.

Arbeidet vil i hovudsak vere retta mot personar med utviklingshemming og autismespekterforstyrringar, som i tillegg kan ha psykiske helseutfordringar og åtferd som utfordrar. Problemstillingane er ofte komplekse og samansette, og krev tett, tverrfagleg samarbeid – særleg med psykolog og overlege.

Vi søkjer vernepleiar eller annan relevant bachelorutdanna fagperson. Til denne stillinga er det yngjelige helst med vidareutdanning innan psykisk helse eller åtferd som utfordrar. Vi legg vekt på at du har brei erfaring frå målgruppa og eit tydeleg engasjement for fag- og kompetanseutvikling. HAVO har lovpålagt ansvar knytt til oppfølging etter kapittel 9 i Helse- og omsorgstenestelova, og det er derfor viktig med god forståing for regelverk og praktisk lovanvending.

HAVO er samansett av eit tverrfagleg team med overlegar, psykologar, vernepleiarar, ergoterapeutar, pedagogar, fysioterapeutar og sekretærar. Vernepleiarane utgjer den største faggruppa. Vi arbeider både ambulant og poliklinisk, og disponerer eigne tenestebilar.

Avdelinga held til i Olav Bjordals veg 29 på Breistein, med gode parkeringsmoglegheiter. Hausten 2028 skal avdelinga flytte til nye lokale og samlokaliserast med resten av ReHabiliteringsklinikken på Nordås.

Stillinga er ledig frå snarast, eller etter avtale.

Arbeidsoppgåver

• Utgreiing og rettleiing knytta til ulike åtferdsutfordringar og psykiske helseplagar
• Rettleiing i miljøterapeutiske tiltak
• Bidra i vidareutvikling av fagområde
• Beandlingsplanar
• Bidra til gode løysingar i komplekse pasientsaker, i samarbeid med fleire eksterne instansar
• Tverrfagleg arbeid med andre fagkonsulentar, psykolog og legar i komplekse sakar
• Bistand til kommunar ved utarbeiding av tiltak etter Helse- og omsorgstenestelova Kap. 9
• Kurs- og undervisingsoppgåver intern og eksternt

Kvalifikasjonar

• Solid erfaring frå klinisk arbeid med målgruppa: Utviklingshemming, autisme, åtferd som utfordrar og psykiske vanskar
• Erfaring frå arbeid med komplekse problem for og med tenester for utviklingshemma
• Kompetanse på kartlegging og tiltak ved utfordrande åtferd og psykisk uhelse
• God kunnskap om Helse- og omsorgstenestelova Kap 9
• Relevant vidareutdanning/mastergrad
• Erfaring med rettleiing i direkte og indirekte miljøterapeutiske tiltak
• Må meistre norsk munnleg og skriftleg
• Førarkort kl. B
• Norsk autorisasjon

Personlege eigenskapar

• Gode samarbeids- og kommunikasjonsevner
• Kunne arbeide målretta og sjølvstendig
• Fagleg engasjement
• Eignaheit vil bli vektlagt
• God munnleg og skriftleg framstillingsevne
• Vere ein god teamarbeidar
• Personleg eignaheit blir tillagt stor vekt

Vi tilbyr

• Varierte og spennande oppgåver
• Tverrfagleg samarbeid, internt og med andre deler av spesialisthelsetenesta
• Fagutvikling
• Mentordning
• Stabilt og triveleg arbeidsmiljø
• Fleksitidsavtale /dagtid, fri høgtidar
• Gode parkeringsforhold

Det krevs gyldig politiattest ved tilsetjing.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Beate Kristin Lilleheil, Seksjonsleiar, +47 95197626

Arbeidsstad

Olav Bjordals veg 29
5111 Breistein

Nøkkelinformasjon:

Arbeidsgivar: Helse Bergen HF

Referansenr.: 5152833050
Stillingsprosent: 100%
Fast
Søknadsfrist: 09.08.2026