Politibetjent 3/2/1 med funksjon som etterforskar

Om stillinga

I Vest politidistrikt, for tida ved Geografisk driftseining Bergen, Askøy og Øygarden, Bergen sentrum politistasjon er det ledig ei eller fleire faste stillingar politibetjent 3/2/1 (SKO 1461/1459/1457) med funksjon som etterforskar ved Seksjon for etterforsking av valds- og seksuelle overgrep. 

GDE Bergen, Askøy og Øygarden er organisert i fem politistasjonsdistrikt: Tenesteeining Bergen Sør, tenesteeining Bergen Nord, tenesteeining Bergen Vest, tenesteeining Askøy og Øygarden og tenesteeining Bergen sentrum. Tenesteeining Bergen sentrum består av 5 politipatruljeavsnitt, Avsnitt for generell etterforsking og Avsnitt for kriminalitetsførebyggjande. I tillegg består eininga av Seksjon for vald - og seksuelle overgrep og Seksjon for innsatsleiing og operativ planlegging. 

Seksjon for vald - og seksuelle overgrep består av valdtekstavsnittet, sedeligheitsavsnittet (seksuelle overgrep mot barn) og valdsavsnittet (mishandling i nære relasjonar og grov vald). Kvart avsnitt består av fleire team på omtrent fem etterforskarar, som blir leidde av ein teamleiar. Seksjonen etterforskar alvorlege og prioriterte straffesaker, som blir varetekne av faglege dyktige etterforskarar som arbeider tett saman i eit godt fagleg og sosialt miljø.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i fagfeltet, og som ønskjer å vidareutvikla seg på avsnittet over tid. Dersom du trivst i ein hektisk arbeidskvardag, ønskjer me at du er med å utgjera ein forskjell innanfor etterforskinga av alvorleg kriminalitet, og er med å bidreg til å løysa ulike utfordringar og oppklara saker framover.

Arbeidsoppgåver

• Etterforsking av straffesakene til teamet i tett samarbeid med etterforskingsleiar/teamleiar og påtalejurist
• Identifisere, planleggja og gjennomføra etterforskingssteg i straffesaker
• Planlegge og utføra aksjonar (pågriping og ransaking) i tildelte saker
• Planlegge og følgja opp tilrettelagtavhør i straffesaker
• Avhør av den fornærma, vitne og mistenkte-/den sikta
• Gjennomgang av digitale spor
• Noe turnusarbeid ved FSI må påberegnes

Kvalifikasjonar

Dette må du ha for å vera kvalifisert:

• Vitnemål frå Politiskolen/Politihøgskulen. Vedlagt karakterskjema skal fyllast ut og leggjast ved søknaden
• Tilfredstille dei generelle kompetansekrava til politibetjent 3 eller politibetjent 2
• Erfaring frå etterforsking
• God munnleg og skriftleg framføring i norsk og engelsk
• Minimum AOP-godkjent eller kvalifisert og villig til å bli godkjend
• Du må ha plettfri vandel og vera skikka for teneste i politiet og politiattest (uttømmande og utvida) må innhentast ved ev. tilsetjing jfr. politiloven § 18 og politiregisterlova § 41.

Det blir vektlagt:

• Relevant tilleggsutdanning innan etterforsking og/eller innan dei konkrete fagfelta
• Erfaring frå fagområdet (valdtekt, seksuelle overgrep mot barn, og/eller mishandling i nære relasjonar og grov vald)
• Erfaring frå tilrettelagtavhør i straffesaker
• Erfaring i bruk og kurs innan digitalt politiarbeid
• Gode ferdigheiter innan systema til politiet

Personlege eigenskapar

• Gode haldningar og samarbeidsferdigheiter, og trivst med å arbeida i team
• Løsningsorientert og evnar å arbeida strukturert - også i ein hektisk arbeidskvardag
• God arbeidskapasitet og positiv innstilling til ein til tider krevjande arbeidskvardag
• Ha ønske om fagleg utvikling og bidra til kunnskapsdeling

Som medarbeidar i politiet har du høgt etisk medvit, du blir kjenneteikna av å vera modig og heilskapsorientert, du viser respekt og er tett på. Du kan lesa meir om dei etiske retningslinjene våre og medarbeidarplattform her.  

Dette kan vi tilby om du vel oss

• Stillinga blir lønt som politibetjent 3/2/1 (stillingskode 1461/1459/1457) med funksjon som etterforskar med årslønn:
  • politibetjent 3: kr. 630.000,- + funksjonstillegg etter gjeldande reglar
  • politibetjent 2: kr. 540.000,-
  • politibetjent 1: kr. 510.000,-
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår (turnus, trening i arbeidstida o.l) 

Mangfald i politiet

Dersom du har funksjonsnedsetjing, innvandrarbakgrunn eller hol i CV-en, er det høve til å kryssa av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her.

Opplysningane du gir, blir brukt til å utarbeida anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylla ut CV i Jobbnorges CV-skjema og skriva eit kort søknadsbrev. Det er ønskjeleg at du presiserer motivasjon for stillinga, interesse for fagfeltet, etterforskingserfaring, og kompetanse på digitale spor i søknaden.

I tillegg må du leggja ved relevante vitnemål og attestar. Relevante kandidatar kan fortløpande bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.