Verksemdsleiar institusjon og heimebaserte tenester

Vil du vere med og forme framtidas helse- og omsorgstenester i Hemsedal?
Hemsedal kommune søkjer ein engasjert og utviklingsorientert verksemdsleiar som ønskjer å skape gode tenester for innbyggjarane og vidareutvikle eitt av kommunen sine viktigaste tenesteområde. Dette er ei nøkkelstilling med stort handlingsrom, høgt fagleg nivå og moglegheit til å påverke utviklinga av helse- og omsorgstenestene i åra som kjem.

Om verksemda
Verksemdsområdet omfattar institusjon, heimetenester, bu- og miljøtenester og kjøkken og service. Som verksemdsleiar har du det overordna ansvaret for fag, kvalitet, økonomi, personal og utvikling, og du leier gjennom dyktige avdelingsleiarar. Du inngår i kommunalsjefen si leiargruppe og bidreg aktivt til utvikling av heile helse- og omsorgssektoren.
Helse og omsorg skal tilby fleksible, koordinerte og framtidsretta tenester med rett kompetanse til rett tid. Vi arbeider for å fremje førebygging, meistring og deltaking, sikre heilskaplege tenester, vidareutvikle digitale og innovative løysingar, byggje attraktive fagmiljø og styrkje samskaping med innbyggjarar, frivillige og samarbeidspartnarar.
Verksemda er kjenneteikna av høg fagkompetanse, låg turnover og motiverte medarbeidarar. Dette gjev eit godt utgangspunkt for vidare utvikling av tenestene og sterke fagmiljø.

Arbeidsoppgåver
• Leie, utvikle og følgje opp medarbeidarar og fagmiljø.
• Sikre kvalitet, fagleg utvikling og etterleving av lovverk, forskrifter og interne retningslinjer.
• Ha ansvar for budsjett, ressursstyring og rapportering.
• Leie og gjennomføre utviklings-, endrings- og forbetringsarbeid i tråd med kommunen sine mål og strategiar.
• Bidra til heilskapleg samhandling på tvers av tenester, fagområde og sektorar.
• Sikre god dialog og godt samarbeid med innbyggjarar, pårørande og samarbeidspartnarar.
• Vidareutvikle effektive arbeidsprosessar, gode rutinar og digitale arbeidsformer.

Vi ser etter deg som
• Relevant høgare utdanning frå høgskule/universitet, fortrinnsvis innan helse- og sosialfag. Anna relevant utdanning kan også bli vurdert i kombinasjon med relevant leiarerfaring og kompetanse
• Er ein tydeleg og tillitsskapande leiar som kombinerer gjennomføringsevne med involvering, samarbeid og gode relasjonar.
• Har leiarerfaring og dokumenterte resultat frå utviklings- eller endringsarbeid
• Har god økonomiforsting og evne til å prioritere og skape resultat
• Er utviklingsorientert og nysgjerrig på nye arbeidsformer
• Evnar å motivere medarbeidarar og skape retning i endringsprosessar
• Kommuniserer godt og samarbeider på tvers av fag og organisasjonar

Vi tilbyr
Ei spennande og samfunnsviktig leiarstilling med stor påverknadskraft.
Eit sterkt leiarfellesskap og gode moglegheiter for fagleg utvikling.
Eit kompetent og engasjert arbeidsmiljø med høge ambisjonar.
Løn etter avtale og gode pensjons- og forsikringsordningar.

Vi ønskjer mangfald og oppmodar kvalifiserte kandidatar til å søkje. Personlege eigenskapar vil bli tillagde stor vekt.

Politiattest og helseerklæring
Det er krav om eigenerklæring i forhold til tuberkulose og MRSA samt politiattest jf. Helse- og omsorgstjenestelova. Poliattest må leggjast fram før tiltreding og du kan òg bli pålagd å ta tuberkulose/MRSA-prøve dersom du har vore utsett for smitterisiko. 

Offentliggjøring av søkerlister
Søkerlister er offentlige jf. Offentleglova §25. Dersom du ikke ønsker at søknaden din skal bli offentliggjort, må du begrunne dette i søknadsprosessen. Skulle begrunnelsen din ikke bli tatt til følge vil du få mulighet til å trekke søknaden din før søkerlisten blir utarbeidet.