Kommunalsjef Samfunn

Me søker ein samarbeids- og løysingsorientert leiar som vil vera sentral i den vidare utviklinga av tenesteområdet Samfunn, og av Time kommune som samfunnsaktør.

Arbeidsoppgåver

Me søker ein engasjert leiar som skapar oppslutning om felles mål og verdiar. Du evnar å delegera oppgåver og ansvar, er oppteken av leiing gjennom andre og av å bygga eit solid lag.

Tenesteområdet Samfunn har rundt 150 årsverk og består av verksemdene Kommunalteknikk, Eigedom, Kultur og Plan og forvaltning. I tillegg er kommuneoverlegen organisert i Samfunn. Kommunalsjefen vil ha det strategisk overordna ansvaret for utviklinga av tenesteområdet i nært samarbeid med verksemdleiarane. Kommunalsjefen vil òg få ansvaret for å sørga for god og effektiv drift av tenesteområdet innanfor kommunale planar, budsjett og gjeldande lov- og regelverk.

Time kommune er ein kommune i omstilling og skal tilpassa organisasjonen og tenesteproduksjonen til dei økonomiske rammene som ligg føre. Det er på bakgrunn av dette sett i gang eit arbeid i alle tenesteområde, deriblant Samfunn, for å bidra til ei god økonomisk forvaltning av kommunen. Som kommunalsjef Samfunn vil du ha det overordna ansvaret for omstillingsarbeidet i tenesteområdet og vera resultatansvarleg for dette inn i kommunedirektøren si leiargruppe.

Kommunalsjef Samfunn rapporterer til kommunedirektøren og er ein del av kommunedirektøren si leiargruppe. Stillinga inneber å møta i fleire folkevalde organ.

Kvalifikasjonar og personlige egenskaper

• Du har relevant høgre utdanning frå universitet eller høgskule. Du har brei leiarerfaring med resultat- og personalansvar, i tillegg til god budsjett- og økonomiforståing.
• Du har god forståing for og helst erfaring frå planarbeid og samfunnsplanlegging. Kjennskap til og forståing for samspelet mellom politikk og administrasjon er ein føresetnad.
• Du må ha erfaring frå relevant omstillingsarbeid, kunna køyra nødvendig analyse- og prosessarbeid, og kunna ta nødvendige avgjerder.
• Du må vera open, inkluderande og relasjonssterk, og ha gode samarbeidsevner til både å skapa og utvikla relasjonar internt og eksternt. Gode kommunikasjonseigenskapar er ein føresetnad.
• Du har gode norskkunnskapar, skriftleg og munnleg.

 

Me tilbyr ei spennande og utfordrande leiaroppgåve, med eit godt støtteapparat og fellesskap, i eit leiarkollegium med gode stabs- og støttefunksjonar.

Tiltreding og lønn etter avtale.

Spørsmål om stillinga kan rettast til kommunedirektør Trygve Apeland, tlf. 908 70 079

Det vil verta utarbeidd offentleg søkarliste. Det visast til offentlegheitslovas § 25, andre ledd når det gjeld å bli unnateken offentleg søkarliste.

Kontaktinformasjon

Trygve Apeland, Kommunedirektør, 90870079, trygve.apeland@time.kommune.no

Arbeidsstad

Arne Garborgs veg 32
4344 Bryne

Nøkkelinformasjon:

Arbeidsgivar: Time kommune

Referansenr.: 4987306569
Stillingsprosent: 100%
Fast
Søknadsfrist: 21.08.2025