Stillinga ligg til verksemd for byggesak, kart og oppmåling i Ullensvang kommune. Verksemda har i dag omlag 12 tilsette - av desse jobbar 2 personar med oppmåling. Det er no ledig stilling innanfor oppmåling.

I stillinga ligg det oppmålingoppgåver, deriblant gjennomføring av oppmålingsforretningar og matrikkelføring. Ullensvang kommune nyttar kartsystema GISLINE og Gemini VA. Kjennskap til desse programvarene vil vere ein fordel. Det er ynskjeleg at ein innehar autorisasjon som landmålar, eller at ein er kvalifisert til å kunne bli autorisert landmålar. 

I stillinga ligg det og ajourføring, forbedring og utvikling av kartdatabasane, matrikkelføring, meglerpakker, kundehandsaming mm. Du vil og bidra inn i kommunen sitt plan- og utviklingsarbeid. Du vil mellom anna samarbeide med byggesakshandsamarar, samfunnsplanleggarar, landbruksrådgjevarar, samt kommunen si vass- og avløpsteneste. I tillegg vil rettleiing internt og eksternt vere ein del av stillinga. Stillinga kan og verta tillagt andre oppgåver ved behov. 

Autorisert landmålar, evt. at ein er kvalifisert til å kunne bli autorisert landmålar

Utdanning frå universitet eller høgskule, minimum bachelornivå (relevant erfaring vil i visse tilfelle kunne vege opp for manglande utdanning)

Kunnskap/ erfaring innan GIS, bruk av geodata og landmåling

Kjennskap til plan- og bygningslova og matrikkellova

Gode norskkunnskapar både skriftleg og munnleg

God IKT-kompetanse

Bilsertifikat 

Gode digitale ferdigheiter

Gode samarbeids- og kommunikasjonsevner

Evne til å arbeide sjølvstendig 

Evne til å arbeide nøyaktig og systematisk

Initiativrik og pliktoppfyllande

Ynskje om å bidra til å utvikle kommunen

Personlege eigenskapar vert vektlagt

Fast 100% stilling

Interessante arbeidsoppgåver i eit kompetent og utviklingsretta fagmiljø

Lønn etter avtale

Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

Gode moglegheiter for kompetanseheving med støtte frå kommunen

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/