Barnehagelærar/pedagogisk leiar

Indre Hafslo oppvekstsenter ligg vakkert til midt i bygda, omgitt av natur og skog som grensar heilt inn til uteområdet vårt. Her er naturen ei viktig kjelde til leik, læring og trivsel. Barnehage og skule held til under same tak, og det gir gode vilkår for nært samarbeid, felles utviklingsarbeid og trygge overgangar for barna.

Ein naturnær barnehage der uteområdet er vår arena

I Indre Hafslo barnehage brukar vi uteområdet og nærliggande skog dagleg. Barna får utforske, undre seg og prøve ut eigne ferdigheiter i varierte og sanserike omgjevnader. Dette gir rom for leik, samspel og læring på naturens premissar. For deg som pedagogisk leiar betyr det ein kvardag med stor fridom, engasjerte barn og rike moglegheiter for å jobbe utforskande og praktisk.

Nytt bygg og gode arbeidsvilkår

Barnehagen flytta inn i nytt bygg i fjor, og lokala er moderne, oversiktlege og tilrettelagde for god pedagogisk praksis. Uteområdet er i vidare utvikling, og du vil få høve til å vere med og forme det. I dag har barnehagen 39 barn og ved oppvekstsenteret er me 23 tilsette som saman skapar eit inkluderande og varmt fellesskap.

Ein del av eit utviklingsorientert oppvekstsenter

Som del av eit samla oppvekstsenter arbeider vi tett saman med skulen. Dette gir eit sterkt og tilgjengeleg fagmiljø, gode strukturar for samarbeid og ein felles tanke om at barn og elevar skal oppleve heilskap, tryggleik og meistring. Her er det korte avstandar både fysisk og i kommunikasjon, noko som gjer det lett å få støtte og dele erfaringar.

Stillingsinformasjon

Arbeidsoppgåver for pedagogisk leiar

Som pedagogisk leiar vil du få ansvar for å

• leie og vidareutvikle det pedagogiske arbeidet i tråd med rammeplanen
• bidra til trygge, inkluderande og inspirerande læringsmiljø
• samarbeide med foreldre og kollegaer
• delta aktivt i utviklingsarbeidet i barnehagen og oppvekstsenteret

Kven vi ser etter

Vi søkjer ein person som

• har utdanning som barnehagelærar
• trivst i naturen og ønskjer å bruke han aktivt saman med barna
• er trygg i rolla som leiar for barn og personale
• set pris på samarbeid og vil vere med og utvikle barnehagen og oppvekstsenteret vårt vidare
• med gode kommunikasjon- og samarbeidsevner som evna til å arbeida sjølvstendig og som del av eit team

Kvalifikasjonar 

Me søkjer ein person med

• godkjend barnehagelærarutdanning
• relevant erfaring frå arbeid med barn og ungdom er ein fordel
• gode kommunikasjonsevner for å kunna samhandla effektivt med barn, kollegaer og føresette
• evne til å samarbeida godt i team og arbeida sjølvstendig når nødvendig
• det er ein nasjonal satsing for å få fleire menn i barnehagane, difor vert menn vert oppmoda om å søkja
• tidlegare erfaring frå barnehage og oppvekst

Me kan tilby

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Gode moglegheiter for fagleg utvikling
• Kommunale tilsetjingsvilkår med gode pensjons- og forsikringsordningar
• Løn etter gjeldande tariff og avtaleverk

Andre opplysningar 

• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit