Vil du bli lærling i Solund kommune?

Solund kommune har som mål å rekruttere ein lærling i service- og administrasjonsfaget for perioden 2023 - 2025. 

Vi har god erfaring med lærlingar frå fleire ulike fagområder og kan tilby 2 års læretid med oppstart hausten 2023. 

For lærling i service- og administrasjonsfaget vil vi tilby variert praksis frå kommunal administrasjon. I kommunedirektøren sin stab har vi mange dyktige medarbeidarar som vil ta godt vare på deg som ynskjer å bli ein god fagarbeidar. 

Som lærling vil du få eigen fagleg ansvarleg som fylgjer opp læreløpet saman med deg, samt rettleiarar i eininga som føl opp med rettleiing og opplæring i dei daglege gjeremåla. 

Krav til stillinga: 

• må kommunisere godt på norsk både munnleg og skriftleg 
• fullført og bestått vidaregåande 1 og 2 innan service- og administrasjonsfaget

Vi tilbyr: 

• løn som lærling etter gjeldande regelverk 
• god pensjonsordning i KLP 
• eit spanande og godt arbeidsmiljø med varierte arbeidsoppgåver 
• fagmiljø i eit godt team 

Aktuelle kandidatar vert kalla inn til intervju. 

Vi håpar du har lyst til å fortsette vegen mot fagbrev hos oss og sender ein søknad! 

Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg. 

Solund kommune nyttar elektronisk søknadssystem. For å søkje på stilling hjå oss, må du opprette eigen brukeridentitet og passord i EasyCruit.