Personleg assistent - vikariat

Me har ledig

100 % vikariat som brukarstyrt personleg assistent til ein mann med behov for assistanse i kvardagen. Stillinga er ledig frå snarast og ut året. Me har også behov for tilkallingsvikarar. Brukarstyrt personleg assistanse er organisert under tenesteeininga bu- og miljøtenester. Det er til saman fire personlege assistentar i dette tiltaket. Brukaren vekslar på å bu i eige husvære saman med familien, og i avlastingsbustad. I arbeidet som personleg assistent får du høve til å gjere ein stor forskjell for eit anna menneske. Jobben er variert og gjevande, med gode vilkår.

Arbeidsoppgåver

Det er ynskjeleg at du er ein ressurs og ein god samtalepartnar. Du vil vere ein del av kvardagen til brukaren og familien. I tillegg til å delta i aktivitetar og i sosiale samanhengar etter ynskje frå brukaren.

Han treng også hjelp til:

• transport til ulike aktivitetar med meir

• praktiske og daglege gjeremål

• personleg stell/hygiene og av/påkledning

• trening

• måltid

• bruk, vask og vedlikehald av tekniske hjelpemidlar

• helseoppfølging og fylgje til mellom anna rehabiliteringsopphald

• tolking, forklaring/formidling.

Kvalifikasjonar

Dersom du har erfaring innan dette området frå før er det ein fordel, men ingen krav.

Personlege eigenskapar

Vi ser etter deg som er fleksibel, omsorgsfull, tolmodig, og som ynskjer å gjere ein forskjel, og ha eit grunnleggande ynskje om å bidra til å gjere andre sin kvardag betre. Dersom du har erfaring innan dette området frå før er det ein fordel, men ingen krav. Personlege eigenskapar blir vektlagt.

Vi tilbyr

• bli ein del av ein triveleg arbeidsplass der arbeidsmiljø står i sentrum.

• ei utfordrande stilling med moglegheit for utvikling og fagleg påverknad.

• gratis inngang til treningsrom i Aurlandshallen.

• gratis inngang til symjebasseng etter kl. 20.00.

• hjelp til å skaffe bustad

• hjelp til å skaffe barnehageplass

• hjelp til å skaffe arbeid til partner

Sjå gjerne også informasjonsbrosjyra og rekrutteringsfilmen til Aurland kommune ved å lime inn desse web-lenkene i søkefeltet:

https://www.visbrosjyre.no/Aurland_kommune/MailView/

https://youtu.be/aFXLAnqaUbI

Krav til språkkunnskapar

Den som blir tilsett må kunne kommunisere godt på norsk både munnleg og skriftleg. Aurland kommune nyttar nynorsk som målform.

Løns- og tilsetjingsvilkår

Tilsetting, løn og arbeidsvilkår er i samsvar med gjeldande lovverk, reglement og tariffavtale.

Gode pensjons- og forsikringsordningar.

Du må ha førarkort klasse B.

Ved tilsetjing vert det kravd politiattest av nyare dato.

Du vil jobbe i turnus med kombinasjon mellom langvakter på 12,5 timar på helg og korte vakter i vekedagene, som vil innebere å jobbe kvar 4. helg. Det kan også leggast til rette for korte vakter på helg om dette er ynskjeleg. I periodar kan det bli aktuelt å jobbe til andre tider.