Vil du følge opp lærlingar – 2-årig engasjement

Rettleiingstenesta er ei brukarnær teneste i vidaregåande opplæring i Vestland fylkeskommune. Primæroppgåva til tenesta er å leggje til rette for at flest mogleg ungdom og vaksne fullfører vidaregåande opplæring. Vi har eit nært samarbeid med opplæringskontor, bedrifter, skulane, kommunar, NAV og andre aktuelle instansar. Vi skal bidra til lærelyst og fremje læring for elevar og lærlingar. Dette gjer vi gjennom å følgje opp elevar, lærlingar, støtte ungdom utanfor opplæring, rettleie vaksne og yte pedagogisk-psykologiske tenester. Tenesta består av eit tverrfagleg team innan fagfelta pedagogisk-psykologisk teneste (PPT), oppfølgingstenesta (OT), opplæring i bedrift (OIB) og vidaregåande opplæring for vaksne (VO).

Vi har ledig eit engasjement i 100% stilling i 2 år for å følge opp lærlingar med kontorstad på Stord.

Rettleiingstenesta Vestland sør dekkjer kommunane Fitjar, Tysnes, Stord, Bømlo, Sveio, Etne, Kvinnherad og Ullensvang. Vi har kontorstad i Leirvik sentrum og ved Odda vidaregåande skule.

Arbeidsoppgåver

Arbeide for   at lærlingar i Vestland har eit trygt og godt opplæringsmiljø gjennom å:

• arbeide førebyggande for å sikre gjennomføring i vidaregåande opplæring i bedrift
• rettleie og følge opp lærlingar og lærebedrifter
• støtte og hjelpe læringar og lærebedrifter med utfordringar knytt til psykisk helse
• førebygge, fange opp og stoppe trakassering/mobbing og legge til rette for gode og inkluderande opplæringsmiljø
• samhandle tverrfagleg

Arbeidsoppgåver og arbeidsform i tenesta krev stor grad av sjølvstende. Andre arbeidsoppgåver innanfor tenesta kan bli lagt til stillinga. Du må rekne med mykje reiseverksemd ut til lærebedriftene i regionen.

Kvalifikasjonar

Vi søkjer deg som har:

• fagbrev og/eller relevant utdanning frå fagskule/høgskule/universitet (til dømes helsefremmande arbeid)
• rettleiingskompetanse
• kunnskap om vidaregåande opplæring i bedrift og skule
• kjennskap til bruk av lov- og regelverk
• god munnleg og skriftleg framstillingsevne
• erfaring frå arbeid med ungdom
• førarkort klasse B
  

Personlege eigenskapar og særleg relevant erfaring kan kompensere for utdanningskravet.

Personlege eigenskapar

Vi søker etter deg som:

• er fleksibel, inkluderande og har evne til å bygge gode relasjonar
• set lærlingane si læring og utvikling i sentrum for arbeidet
• er løysingsorientert, strukturert og har stor interesse for fagleg utvikling
• har evne til å samarbeide, men òg jobbe sjølvstendig

Personlege eigenskapar vert vektlagt.

Vi tilbyr

• Givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse.
• Vi er opptekne av trivsel i arbeidet, og å ha eit godt og uformelt arbeidsmiljø. Slik gjer vi kvarandre gode og skapar engasjement.
• Løn etter avtale.
• Gode pensjons- og forsikringsvilkår.
• Stillingsnemning konsulent/rådgjevar/seniorrådgivar etter kvalifikasjonar og erfaring.

Kontaktinformasjon

Arbeidsstad

Nøkkelinformasjon: