Ledig stilling som styrar i Tuddal barnehage

Vil du leie ein barnehage der trivsel, tryggleik, leik og læring står i sentrum – både for barn og tilsette?

Tuddal barnehage søkjer ein engasjert og utviklingsorientert styrar som ønskjer å vere med og vidareutvikle barnehagetilbodet i kommunen vår.

Tuddal barnehage, er ein av tre kommunale barnehagar i Hjartdal kommune. Saman deler vi fagleg kompetanse, utviklingsarbeid og ressursar for å sikre eit heilskapleg og framtidsretta barnehagetilbod. Hos oss møter barna trygge, varme og profesjonelle vaksne som legg til rette for leik, utforsking, fellesskap og danning i tråd med rammeplanen.

Vi er opptekne av at alle barn skal oppleve trivsel, tryggleik, leik og læring kvar dag – og at barnehagen skal vere ein stad der både barn og tilsette gleder seg til å vere.

Som styrar i Tuddal får du ei nøkkelrolle i å vidareutvikle barnehagen, leie tilsette og sikre eit trygt, inkluderande og utviklande miljø for både barn og personale. Du vil òg inngå i kommunen sitt leiarteam for barnehagane og samarbeide tett med dei andre styrarane.

Stillinga er delt mellom avdelingsarbeid og administrativt arbeid.

• Overordna pedagogisk og administrativ leiing av barnehagen
• Personalleiing og utvikling av eit trygt og profesjonelt arbeidsmiljø
• Oppfølging av den pedagogiske praksisen i tråd med rammeplanen
• Samarbeid med føresette, interne samarbeidspartnarar og eksterne instansar
• Budsjett- og økonomiansvar
• Bidra aktivt i kommunen sitt oppvekstnettverk og felles faglege satsingar

• Har relevant barnehagefagleg utdanning og godkjend barnehagelærarutdanning
• Har leiarerfaring, eller eit tydeleg ønske om å utvikle deg som leiar. Styrarutdanning er eit ynskje, men ikkje eit krav.
• Er tydeleg, trygg og inkluderande i møte med tilsette, barn og føresette
• Har evne til å skape gode relasjonar og bidra til eit positivt arbeidsmiljø
• Er fagleg oppdatert og oppteken av kvalitet og utvikling
• Har god digital kompetanse og forståing for administrative oppgåver

• Fokus på trivsel, arbeidsmiljø og fagleg utvikling.
• Eit tett og godt samarbeid med dei andre barnehagane i kommunen
• Høve til å påverke, utvikle og styrkje barnehagetilbodet i kommunen
• Lønn etter gjeldande avtaleverk
• God penssjonsordning
•  

• Blir du kalla inn til intervju? Vi gleder oss til å prate med deg! Men du - hugs å ta med ein kopi av vitnemål og attestar.
• Prøvetida di er på 6 månadar.
• Det er krav om politiattest jf. Barnehagelova § 30.
• Det blir lagt stor vekt på at du er personleg eigna for stillinga

Nå manglar det berre å sende oss ein søknad via elektronisk søknadsskjema.

Har du nokre spørsmål? Ta kontakt med oppgitt kontaktperson som gjerne svarar deg på det du lurar på!