Politibetjent 3/2/1

Om stillinga

Vi har ledig to faste stillingar ved vår seksjon for vakt og beredskap i Molde. Det er også behov for vikariat av ulik lengd.

Politibetjent innan vakt- og beredskapsteneste skal på døgnkontinuerleg basis bidra til å sikre tryggleik for innbyggarane gjennom kriminalitetsførebygging som hovudstrategi. I periodar må ein pårekne arbeid innan etterforsking og andre tjenesteområde, avhengig av behov i driftseininga.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter deg som er interessert i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom sine haldningar og handlingar i det daglege arbeidet. Evna til å vere trygg, nærverande, lydhøyr og å byggje tillit til publikum er avgjerande for suksess i organisasjonen vår.

I vår vurdering av kandidatar er mellom anna dette noko vi vil legge vekt på, i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Arbeid innan vakt og beredskap i turnusteneste etter gjeldande tenestelister
• Utføre etterforsking med politiarbeid på staden (PPS) som arbeidsmetode
• Kriminalitetsførebyggande arbeid
• Andre oppgåver som høyrer til den daglege tenesta ved eininga
• Bidra med rettleiing og ved opplæring/kompetansehevande tiltak 
• Kan påleggast andre oppgåver

Kvalifikasjonar

Dette må du ha for å vere kvalifisert:

• Bestått grunnutdanning frå Politi(høg)skulen. Vitnemål og karakterskjema skal leggast ved søknaden, sjå https://www.politiet.no/sok/?SearchText=karakterskjema2023.xlsx 
• IP4-godkjenning, eventuelt må du kunne bli godkjent på nytt
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.

Det er også ønskjeleg med:

• Erfaring frå politistilling 
• Gode resultat frå utdanning ved Politi(høg)skulen 
• Etter-/vidareutdanning frå Politi(høg)skulen og/eller anna relevant tilleggsutdanning
• Anna relevant erfaring

Personlege eigenskapar

• Robust, med dette meiner vi at du må tole å stå i tøffe psykiske og fysiske oppdrag
• Har gode haldningar og samarbeidsferdigheiter
• Løysingsorientert og evner å ta raske avgjerder
• Har gode kommunikasjonsevner og evne til å byggje tillit hos publikum
• Ha ønske om fagleg utvikling og bidra til kunnskapsdeling

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spennande arbeidsplass for deg som vil vere med på å forme politiet i framtida
• Stillinga vert lønna som politibetjent 3/2/1 (stillingskode 1461/1459/1457), avhengig av kompetanse jf. kompetansekriteriene for politibetjenter, med årslønn:
  • politibetjent 3: kr. 550 000 - 650 000
  • politibetjent 2: kr. 490 000 - 555 000
  • politibetjent 1: kr. 465 000 - 520 000
• Ved endring av tjenesteområde vert det gitt lønnsplassering etter gjeldande lønnsnivå for området
• Godtgjering etter gjeldande ATB på for tida kr. 42 824 og tillegg for eventuell turnusteneste
• For særskilt kvalifiserte kandidatar kan noko høgare lønn bli vurdert
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på  www.spk.no/medlemskap-i-spk. Det blir trekt to prosent frå løna til innskot i Statens pensjonskasse
• Mogelegheit for trening i arbeidstida 
• Møre og Romsdal politidistrikt er ei IA-bedrift og knytt til bedriftshelseteneste

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

. Video: https://www.youtube.com/watch?v=uUTjHmSB_Wc

Slik søkjer du

Du søkjer ved å skrive eit kort søknadsbrev, registrere utfyllande CV og leggje ved relevante vitnemål, karakterskjema og attestar. Hent inn vitnemålet ditt frå vitnemålsportalen der du registrerer vedlegg til søknaden din. Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.