Ph.d.-stipendiatstilling i biosystematikk hos grøne marine makroalgar (Ulvophyceae, Chlorophyta)

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Om stillinga

Ved Avdeling for naturhistorie ved Universitetsmuseet i Bergen (Universitetet i Bergen, Noreg) er det ledig ei stilling som doktorgradsstudent innan biosystematikken til algar. Stillinga er for ein åremålsperiode på fire år, inkludert 25% (eit år) av karrierefremmande arbeid i algesamlingane (t.d. undervisingsoppgåver, samlingsforvaltning, digitalisering og formidling). Kandidaten skal arbeide med eit forskingsprosjekt om mangfaldet, systematikken, fylogenien og biogeografien til grøne marine makroalgar (Ulvophyceae, Chlorophyta) som del av Artsdatabanksprosjektet «Eit hav med ukjente artar - utgreiing av det biologiske mangfaldet av økologiske og økonomisk viktige grøne makroalgar i Noreg».

Om prosjektet/arbeidsoppgåver:

Bakgrunn: 
Grøne marine makroalgar (Chlorophyta: Ulvophyceae) er viktige for at økosystemet skal fungere, dei gjev nøkkelhabitat og matressursar, og har ein stadig større økonomisk betydning. Likevel er dei framleis dårleg kjent i Noreg på grunn av sitt kryptiske mangfald, morfologiske variabilitet og uløyste artskompleksar. Molekylære databasar manglar i dag ei tilstrekkeleg representasjon av desse taksa, og hindrar slik korrekt identifikasjon, økologisk overvaking og bioteknologisk bruk.

Mål: 
Dette doktorgradsprosjektet vil fylle desse kritiske manglane ved å gjennomføre den første nasjonale inventeringa med representativ prøvetaking på tvers av ulike habitat gjennom året for å dokumentere det biologiske mangfaldet og geografiske utbreiinga til Ulvophyceae i Noreg, frå fjordane i sør til Svalbard i nord. Herbariesamlinga ved Universitetsmuseet skal vidareutviklast og digitaliserast, medan det eksisterande historiske materialet skal undersøkast på nytt for å oppdaga skiftingar i geografisk utbreiing og potensielle invasjonar av nye artar.

Kandidaten skal bruka heilskaplege taksonomiske tilnærmingar, som kombinerer klassisk morfologi og ontogenetiske studium med DNA-strekkoding på mange lok og sekvensering av heile kloroplastgenomet. Denne ramma blir brukt til å avgrensa artar, avsløre kryptisk mangfald og løysa fylogenetiske relasjonar innan for gruppa. Resultatet vil gje viktige molekylære referansedata for identifikasjon av artar, overvaking av invasive artar og artar på rødlista, og for utvikling av akvakultur. Prosjektet involverer både nasjonale og internasjonale samarbeidspartnarar, som Ph.d.-kandidaten skal arbeide tett med for å sikre at det blir gjort ein omfattande innsamling og forskingsdekking langs heile den norske kysten.

Alle herbarieeksemplar vil bli deponert i samlingane på Universitetsmuseet i Bergen, de molekylære dataa vil bli delt via nasjonale referansebibliotek og prosjektet vil på denne måten støtte langsiktig styring av biologisk mangfald. Prosjektet omfattar òg offentleg formidling gjennom ei museumsutstilling og samarbeid med den norske tangindustrien.

 Kvalifikasjonar og eigenskapar:

Vi leitar etter ei entusiastisk og motivert kandidat, helst med erfaring i fykologi, algetaksonomi eller marine biosystematikk. Søkjaren må kunne arbeide i team og utvikla ny kompetanse på ein strukturert og målretta måte, og ha gode kommunikasjonsferdigheiter.

Kvalifikasjonskrav: 

• Søkjarar må ha oppnådd ei mastergrad eller tilsvarande utdanning i biologi (t.d. botanikk, marinbiologi, evolusjonsbiologi, fykologi, biosystematikk) eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje
• Erfaring med molekylært laboratoriearbeid (DNA-ekstraksjon, PCR, sekvensering)
• Evne og vilje til å gjennomføre feltarbeid langs den norske kysten, inkludert deltaking i innsamling og reiser 
• Førarkort klasse B 
• Gode skriftlege og munnlege engelskkunnskapar

Ønskelege kvalifikasjonar: 

• Erfaring i taksonomi og systematikk av algar
• Erfaring med mikroskopi, morfologiske studiar, og arbeid i herbarium
• Erfaring med bioinformatikk, molekylær fylogeni og/eller genommontering
• Erfaring med tokt eller innsamlingsreiser
• Erfaring med å skriva vitskaplege artiklar og presentera forsking på internasjonale møter
• Erfaring med High-throughput sequencing metodar
• Erfaring med forskingsformidling eller folkeforsking

For stillinga gjeldt følgande:

Om stipendiatstillinga 
Stillinga er for ein åremålsperiode på fire år, inkludert 25% (eit år) av karrierefremmande arbeid i algesamlingane (t.d. undervisingsoppgåver, samlingsforvaltning, digitalisering og formidling).

Ph.d.-kandidaten skal ha ansvar for å utvikla forskingsprosjektet, inkludert:

• Feltarbeid og prøvetaking i nært samarbeid med nasjonale og internasjonale partnarar
• Taksonomisk identifikasjon og morfologiske studiar
• Molekylær laboratoriearbeid og fylogenetiske analysar
• Artsavgrensing og biogeografiske analysar
• Ferdigstilling av manuskript for utgjeving

Om forskarutdanninga:  
Som ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

Vi tilbyr:

• Eit godt og fagleg stimulerande arbeidsmiljø
• Løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet
• Medlemskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om forskingsinteresser og motivasjonen for å søkje stillinga
• Namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve
• CV
• Karakterutskrifter og vitnemål for bachelor- og mastergrad. Dersom du enno ikkje har fullført mastergraden må du levere ei stadfesting på at mastergradsoppgåva er levert
• Relevante attestar
• Godkjend dokumentasjon på at du oppfyller krav til engelskkunnskapar (dersom påkravd, jf https://www.uib.no/matnat/52560/opptak-til-phd-programmet#krav-til-engelskkunnskaper-ved-opptak-til-ph-d-programmet)
• Eventuell liste over vitskaplege arbeid (publikasjonsliste med lenkjer)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til: førsteamanuensis Sophie Steinhagen, Universitetsmuseet, Avdeling for naturhistorie, sophie.steinhagen@uib.no, +49 157 31360789, eller instituttleder Jenny Smedmark, Universitetsmuseet, Avdeling for naturhistorie, jenny.smedmark@uib.no, +47 40726194.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5