Kyrkjelydsarbeidar i Fjell sokn - 60 % vikariat

Øygarden kyrkjelege fellesråd søkjer vikar for kyrkjelydsarbeidar med fokus på ungdom kytt til Fjell sokn i 60% stilling i perioden 14.08.2025- 30.06.2026

Saman med gode medarbeidarar vil du jobbe for dele tru, håp og kjærleik til ungdom i Øygarden. Stillinga er primært knytt til Fjell sokn. Ønskjer du å dele vidare det viktigaste med ungdom? Vere med å ruste unge til å møte verda ved å bli kjent med og få kunnskap om Jesus? Har du evner til å bygge relasjoner og arbeide strategisk? Vil du bidra til å skape trygge og inkluderande fellesskap gjennom tweensklubb, konfirmantarbeid, KRIK og leiartrening?

Fjell sokn har 7031 medlemmer. Kyrkjelyden sin visjon er: «Ei kyrkje for alle.» I sokneteamet i Fjell vil du saman med andre medarbeidarar utgjere den lokale staben. Du vil også vere ein del av ein fagseksjon «Seksjon for barn og unge», der pedagogar og ungdomsarbeidarar i heile fellesrådet tek del og møtest jamleg.

Arbeidsoppgåver

• Ansvar for organisering av konfirmantåret saman med sokneprest
  
• Konfirmantundervisning saman med sokneprest og ungdomsarbeidar
  
• Leiarutvikling for ungdom
  
• Planlegging, gjennomføring og evaluering av tiltak og arrangement
  
• Oppfølging av medarbeidarar knytt til ungdomsarbeidet (tilsette og frivillige)
  
• Gudstenestearbeid

Kvalifikasjonar

• Erfaring frå arbeid med ungdom i kyrkja og/eller frivillige organisasjonar
  
• Pedagogisk og/eller teologisk/kristendomsfagleg utdanning er ønskjeleg
  
• Gode norskkunnskapar, skriftleg og munnleg, administrasjonsspråket i Øygarden kyrkjelege fellesråd er nynorsk
  
• Førarkort klasse B
  
• Krav om medlemskap i Den norske kyrkja

Personlege eigenskapar

• Gode samarbeidsevner
  
• Evner til god kommunikasjon og formidling i møte med unge
  
• Evne til å arbeide strukturert, sjølvstendig og langsiktig
  
• Evne til å byggje gode relasjonar
  
• Tydeleg etisk bevisstheit rundt det å vere eit førebilete for ungdom

Vi tilbyr

• Utfordrande og meiningsfulle arbeidsoppgåver i eit stort og kreativt arbeidsfellesskap
  
• Arbeide med fagleg dyktige og engasjerte kollegaer og frivillige
  
• Tilsetting på dei vilkår som går fram av lover og reglement
  
• Løn etter KA sine tariffavtalar
  

Anna

• Noko kvelds- og helgearbeid må påreknast.
  
• Vi legg vekt på at kompetanse og eigenskapar hos dei tilsette i sokneteamet utfyller kvarandre
  
• Ein må rekne med å kunne få oppgåver i andre sokn i Øygarden kyrkjelege fellesråd
  
• Den som vert tilsett, må leggje fram politiattest utan merknad, jf. Lov om trus- og livssynssamfunn, kapittel 4, §20.

Kontaktinformasjon

Rannveig Vestbøstad Vik, Seksjonsleiar barn og unge, 41507011
Mathilde Dale Løvfall, Personalleiar, 90272703

Arbeidssted

Kyrkjehaugen 2
5357 Fjell

Nøkkelinformasjon:

Arbeidsgiver: Øygarden kyrkjelege fellesråd

Referansenr.: 4989965233
Stillingsprosent: 60%
Vikar
Søknadsfrist: 20.07.2025