Vil du jobbe med miljøindikatorer?

Om stillinga

Vi ønskjer oss ein engasjert kollega som skal koordinere arbeidet med nasjonale og internasjonale miljøindikatorar. Miljøindikatorar bidreg med kunnskap om vi når klima- og miljømåla og kan følgje utviklinga over tid.

Seksjon for miljøovervaking og miljødata arbeider mellom anna med å innhente kunnskap om tilstanden i miljøet gjennom miljøovervakingsprogram og systematisere denne kunnskapen i fagsystem. Seksjonen har ansvar for fagsystemet for økologisk tilstand og Naturindeks, desse er viktige verktøy i forvaltninga mellom anna for å vurdere om Noreg når dei nasjonale miljømåla sine. Dei er også eit viktig kunnskapsgrunnlag i arbeidet med naturrekneskap (tilstandsrekneskap). 

Vi koordinerer også arbeidet med miljøstatistikk og samarbeider med Statistisk sentralbyrå (SSB).  Seksjonen er nasjonalt knutepunkt for arbeidet mot European Environment Agency (EEA) og dei faglege nettverka deira Eionet. I tillegg koordinerer seksjonen Miljødirektoratets forskingsarbeid, nettstaden Miljøstatus.no og anna miljødatarbeid.

Seksjonen har i dag 19 medarbeidarar med arbeidsstad både på Brattøra i Trondheim og på Helsfyr i Oslo. Du kan sjølv velje om du vil ha kontorstad i Oslo eller Trondheim.

Stillinga sine hovudansvarsområde

• Koordinering av Miljødirektoratets arbeid med indikatorar
• Koordinering av Miljødirektoratets arbeid mot EEA
• Koordinering av miljøstatistikkarbeidet

Det er også aktuelt med oppgåver innan miljøovervaking.

Kompetansekrav

Kvalifikasjonar

• du har mastergrad i biologi eller tilsvarande
• du har god kunnskap om naturmangfald og økosystem i Noreg
• du har god forvaltningsforståing, og gjerne relevant erfaring frå offentleg forvaltning
• du har svært god munnleg og skriftleg framstillingsevne, på norsk og engelsk
• det er ønskjeleg at du har relevant erfaring, men nyutdanna kan også søkje
• det vil telje positivt om du har erfaring med internasjonalt arbeid med indikatorar eller miljøovervaking

Eigenskapar

• du har gode relasjonelle eigenskapar, og samarbeider godt på tvers av ulike fagområde
• du er strukturert og har god gjennomføringsevne
• du evnar å prioritere, og tek ansvar for framdrift og kvalitet i leveransane dine
• du har god rolleforståing og evne til å setje oppgåvene inn i ein heilskap
• du har evne til å utvikle eigne ferdigheiter, og liker å dele kunnskap med andre

Vi tilbyr

• ei fast stilling som rådgivar eller seniorrådgivar, med lønn frå kr. 560 000 til kr. 830 000 etter erfaring og kvalifikasjonar. Særskilt kvalifisert søkjar kan vurderast noko høgare.
• utfordrande arbeidsoppgåver på eit viktig samfunnsområde faglege utfordringar, med moglegheit for individuell utvikling i eit godt arbeidsmiljø
• moglegheit for avtale om heimekontor inntil to dagar pr veke
• eit breitt tilbod av sosiale, kulturelle og sportslege aktivitetar, inkludert ein time trening i arbeidstida
• fleksible arbeidstidsordningar og pensjons- og bustadlånsordningar i Statens pensjonskasse

Har du spørsmål?

Kontaktperson for stillinga er seksjonsleiar Anne Sundbye på e-post anne.sundbye@miljodir.no eller mobil 95 83 59 58 etter 11. august, eller seniorrådgivar Gunn Lise Haugestøl på e-post gunn.lise.haugestol@miljodir.no eller mobil 45 40 45 20 etter 28. juli 

Send gjerne SMS og oppgi referanse 63-2025 VMM, så ringjer vi deg opp igjen.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa vår.