Ungdomsarbeidar 20% fast - Ungdomsbase Nord

Eining Barn og familie er ei av 21 einingar i sektor oppvekst. Eininga er delt opp i fem avdelingar; barnevern, PPT, helsestasjon, avdeling tiltak og ressurs og Villatoppen avlastningsbustad. Eininga held til på Husnes tenestesenter.

Ungdomsteamet i Kvinnherad er sett saman av ungdomsarbeidarar, ungdomslosar og utekontaktar. I teamet er ledig ei 20% fast stilling som ungdomsarbeidar i Ungdomsbase Nord (ungdomsklubben, Rosendal). Ungdomsbase sør og nord har tilsaman 180% stilling fordelt på 4 medarbeidarar.

Å være ungdomsarbeidar er, i samarbeid med ungdomane som nyttar tilboda, å skape eit trygt og rusfritt tilbod i og utanfor ungdomsbasen for målgruppa 8-klasse til fylte 18 år. Ved behov for individuell oppfølging skal ungdomsarbeidar samarbeide med utekontakt og ungdomslosar og andre støttetenester. Kontakt med politi, barnevern, skule og helsestasjon kan og være aktuelt.

Ungdomsbase nord er for tida open måndag, og torsdag ettermiddag og kveld.

Endring i opningstida kan førekome.

Det kan vere behov for noko fleksibilitet i arbeidstidene i haust og vinterferiar då basane har eit auka tilbod.

 Vi søkjer

 Deg som har engasjement for ungdom og gjerne relevant erfaring frå drift av ungdomsklubbar. Det er ein fordel at du ikkje er altfor ung, då det kan skape lojalitetskonfliktar ved behov for å være ein trygg vaksen med klare grenser.

• Personlege eigenskapar vert vektlagt ved tilsetjing
• Ynskeleg med erfaring frå ungdomsarbeid og aller helst frå ungdomsklubb
• Gode samarbeidsevner og god kommunikasjon er eit krav.
• Ein må være ein relasjonsbyggjar og empatisk. Ein må evne å sjå andre sine synspunkt og ikkje være dømande.
• Er du fleksibel, kreativ og leiken er det eit fortrinn!
• Vi ynskjer stadig å utvikle tilboda våre i tett samarbeid med ungdommane som nyttar dei - og det vil være ei av dine viktige oppgåver.

• Tilsetjing skjer etter gjeldande vilkår for kommunale arbeidstakarar i samsvar med HTA og AML.
• Pensjonsordning, ulykkes- og gruppelivsforsikring gjennom KLP.
• Kvinnherad kommune er ei IA-verksemd.

Det er krav om gyldig politiattest før du tiltrer i stillinga. Kravet er heimla i lov om barnevern § 12-11, opplæringslova § 10.9, lov om barnehagar § 30, Helsepersonellova § 20 og helse- og omsorgstjenesteloven § 5-4.