Kateket/Pedagog

Vi søkjer deg som set varige spor i unge liv

Du trivst med å leie eit team, byggje relasjonar og skape opplevingar born og ungdom aldri gløymer. Du ser potensialet i kvart enkelt menneske — og du veit at fellesskap og tru veks best saman.

Volda kyrkjelege fellesråd søkjer ein engasjert kateket/kyrkjelydspedagog i 100% stilling. Her får du leie eit dedikert undervisningsteam og sette varig preg på den kyrkjelege opplæringa  i heile Volda kommune.

KATEKET / PEDAGOG - 100%

Om stillinga

Som kateket er du fagleg leiar for undervisningsarbeidet og opplæringsteamet – eit team beståande av kateket og to medarbeidarar i deltidsstillingar på til saman 70%. Du samarbeider tett med staben og frivillige, og får ansvar for å utvikle og fornye plan for Kyrkjeleg undervisning og læring (KUL) for alle sokna i fellesrådsområdet.

Hovudoppgåvene dine vil vere:

• Opplæringsarbeid, inkl. konfirmantarbeid
  
• Rekruttering og oppfølging av frivillige medarbeidarar og leiarar
  
• Samarbeid mellom kyrkje, skule og barnehage
  
• Vidareutvikling og revisjon av plan for KUL for alle sokna

Vi søkjer deg som

• Har høgare utdanning som kvalifiserer som kateket, eller er villig til å ta vidareutdanning ved sida av arbeid
  
• Har leiarerfaring og trivst med å koordinere eit team
  
• Elskar å jobbe med born og ungdom, og gjerne leirarbeid
  
• Skapar gode relasjonar og trivst i samarbeid
  
• Arbeider sjølvstendig og målretta
  
• Kommuniserer godt både skriftleg og munnleg
  
• Er komfortabel med digitale verktøy, sosiale medium og nettsider

Dette tilbyr vi deg

• Ein meiningsfullt arbeidsdag der du ser unge menneske vekse i tru og meistring
  
• Godt og varmt stabsfellesskap i moderne lokale ved Volda kyrkje
  
• Fleksibel arbeidskvardag
  
• Gode ferie- og avspaseringsordningar som er lett å tilpasse skuleferiar
  
• Gode permisjonsordningar ved vidareutdannning
  
• Løn etter avtaleverket i kyrkjeleg sektor og pensjonsordning i KLP

Volda – ein god stad å vere

Volda ligg vakkert til i søre Sunnmøre med fjordar, dalar og fjell rett utanfor døra. Her bur om lag 11 000 innbyggjarar, og byen er kjend som ein livleg skulestad med vidaregåande skule og høgskule med 4500 studentar. Gode kommunikasjonar med både buss og fly gjer det enkelt å kome seg rundt.

Praktisk informasjon

Den som vert tilsett må vere medlem av Den norske kyrkja, ha førarkort og disponere bil. Ein må rekne med noko arbeid på kveldstid og i helger. Politiattest må liggje føre før tilsetting. Tilsettinga skjer i samsvar med Kvalifikasjonskrav og tenesteordning for kateketar, gjeldande lovverk og tariffavtale for kyrkjeleg sektor. Det er utarbeidd stillingsomtale for stillinga – ta kontakt om du vil ha ho tilsendt. Vi nyttar intervju som del av vurderinga.

Søknad med CV, vitnemål/attester og referansar sendast elektronisk via www.kirkejobb.no innan 3. mai 2026.

Lurer du på noko?

Ta gjerne kontakt – vi er glade for ein uformell prat!

• Kyrkjeverje Jostein Stråbø, tlf. 916 63 549 / JS478@kyrkja.no
  
• Kateket Martine Hjertvik Urke, tlf. 908 97 340 / MU894@kirken.no

www.volda.kyrkja.no

Kontaktinformasjon

Jostein Stråbø, Kyrkjeverje, +47 91663549
Martine Hjertvik Urke, Katetet(kyrkjelydspedagog), 90897340

Arbeidssted

Rådhusgata 6a
6100 VOLDA

Nøkkelinformasjon:

Arbeidsgiver: Volda kyrkjelege fellesråd

Referansenr.: 5105763434
Stillingsprosent: 100%
Fast
Søknadsfrist: 03.05.2026