Dagleg leiar- Vossabadet og Voss idrettshall

Ynskjer du å leia ein vektig samfunnsaktør som kombinerer kommersiell drift, personalleiing og teknisk forvaltning? Me ser etter ein drivande, strategisk og relasjonsskapande dagleg leiar som vil vidareføra og utvikla drifta av Vossabadet og Voss Idrettshall KF.
Me søkjer ein engasjert leiar med eit breitt kompetansespekter, som er komfortabel med å balansera økonomisk resultatfokus med god personal- og bygningsforvaltning. På sikt kan føretaket verta innlemma i Voss herad som ei eiga avdeling. Dette kjem truleg opp til politisk handsaming våren 2026.

Du får ei sentral leiarrolle i eit føretak med eit stort samfunnsmandat og gode utviklingsmoglegheiter. Du vil leia eit fagleg dyktig, motivert team, og ha stor innverknad på utviklinga av Vossabadet, Utebassenget og Voss Idrettshall. Dette er viktige anlegg for kommunen og regionen. Du får moglegheit til å jobba med den største ressursen me har, våre tilsette, og med ein bygningsmasse som står framfor spanande investeringar og prioriteringar.

• Leiing både strategisk og økonomisk. Du vil ha ansvar for føretaket sin overordna strategi, økonomiske heilskap og resultat. Du skal ha fokus på å optimalisera topplinja og sikra rasjonell og effektiv drift.
• Du vil ha personalansvar: Overordna ansvar for personalleiing, arbeidsmiljø og kompetanseutvikling. Du skal sikra at formelle krav er i høve til Arbeidsmiljølova og tariffavtalar
• Du skal ha ansvar for HMS både gjennom opplæring og internkontroll, og du skal sikra at dei formelle krava til HMS, bedriftshelseteneste, arbeidsmiljø og juridiske ansvar vert etterlevd.
• Du skal ha ansvar for bygning- og teknisk forvaltning. Dette krev tett samarbeid med teknisk leiar om forvaltning, drift, vedlikehald og naudsynte investeringar i bygningsmassen (Vossabadet og Idrettshallen)
• Du er ansvarleg som samfunnskontakt og for kommunikasjon. Du skal handtera PR, media og kommunikasjonar. Du må byggja relasjonar til folkevalde, media og andre sentralte aktørar i føretaket si sak i kommunal samanheng. 

 Kvalifikasjonar: 

• Har høgare utdanning, gjerne innanfor økonomi og forretning
• Dokumentert erfaring og/eller utdanning innan HR/leiing. Kunnskap om relevante lovverk.
• Erfaring med forretningsutvikling og/eller leiing av samansette organisasjonar.
• Evne til å tenkja strategisk, langsiktig, og setje klare prioriteringar for bruk av energi og ressursar.
• God forståing for økonomi og korleis ein skaper resultat, gjerne med ei breiare erfaringsprofil enn berre tradisjonell økonomi.

• Erfaring med å handtera endring og prosesser, spesielt knytt til personell (relevant ved ei eventuell innlemming i kommunen).
• Grunnleggande teknisk- og teknologiforståing og/eller innsikt i byggdrift og vedlikehald.
• Erfaring med, og tryggleik i, PR/kommunikasjon og mediehandtering.
• Forståing for det kommunale systemet og evne til å representera føretaket på ein god måte ovafor folkevalde og administrasjon.

 Personlege eigenskapar:

• Me ynskjer deg som er trygg, tydelege og involverande som leiar. Du må meistra ein balanse mellom formalitet, styring og oppfølging av tilsette.
• Evne til å etablera eit botnsolid samarbeid med Teknisk leiar, der du kan vere ein god diskusjonspartnar og samstundes gje tillit og fleksibilitet.

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.  Etter søknadsfristen, vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje. Ber om at du lastar opp vitnemål og attestar i søknaden.