Rådgjevar/seniorrådgjevar – opplæring og integrering
Statsforvaltaren i Vestland
Njøsavegen 2, 6863 Leikanger, Hybridkontor
Om jobben
Stillingstittel
Rådgjevar/seniorrådgjevar – opplæring og integrering
Type ansettelse
Fast, heltid 100%
Arbeidsspråk
Norsk
Antall stillinger
1
Søk på jobben
Søk senest tirsdag 20. mai
Om stillinga
Utdannings- og verjemålsavdelinga har ansvar for rettleiing, tilsyn og forvaltningsoppgåver innan barnehage, opplæring og integrering. Vi skal sjå til at nasjonal politikk vert gjennomført ute i kommunane. Dette gjer vi mellom anna ved å behandle klager, rettleie kommunar om regelverk og statleg politikk og ved å gjennomføre tilsyn av kommunane sin praksis.
Vi ønskjer oss ein dyktig medarbeidar med interesse for barn og vaksne sine rettar til opplæring. Denne stillinga har kontorstad i Leikanger. Vi har også kontor i Bergen og Førde.
Arbeidsoppgåver
- Tilsyn etter opplæringslova, barnehagelova og integreringslova
- Behandling av klager på enkeltvedtak etter opplæringslova og integreringslova
- Informere og rettleie kommunar og allmenta om innhald, lovverk og mål i den nasjonale utdannings- og integreringspolitikken
- Andre oppgåver innanfor det samla oppdraget i avdelinga
Kvalifikasjonar
- Master i rettsvitskap/juridisk embetseksamen
- Interesse for opplærings- og integreringsfeltet
Personlege eigenskapar
Vi søkjer kandidatar som har- evne til å følgje og fordjupe seg i eit fagfelt, og synleggjere aktuelle problemstillingar i fylket
- evne til å kommunisere kompliserte problemstillingar på ein god måte, både skriftleg og munnleg
- vilje og evne til å samarbeide, både med kollegaer og eksterne, om å løyse oppgåvene på best mogeleg måte
- ønskje om å delta aktivt i utviklingsarbeidet i avdelinga
Som tilsett hos Statsforvaltaren får du
- interessante arbeidsoppgåver og gode høve til å fordjupe deg fagleg
- eit arbeidsmiljø der tilsette med ulik fagbakgrunn jobbar saman om å løyse oppgåvene
- ein arbeidsplass i utvikling
- medlemskap i offentleg pensjonsordning
- trening i arbeidstida
- delvis heimekontor
- fleksibel arbeidstid
- løn i samsvar med vår lokale lønspolitikk
Vi ønskjer mangfald
Statsforvaltaren ønskjer mangfald, og vil leggje til rette for eit inkluderande arbeidsliv.
Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. Les meir om positiv særbehandling hos Arbeidsgivarportalen.
Vilkår
Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT.
Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.
Stillinga er lønna i stillingskode 1434 rådgjevar/1364 seniorrådgjevar, frå kr 570 000–730 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn.
Dei første seks månadane er prøvetid. Du kan lese meir om det i statens personalhandbok.
Tenestemålet til embetet er nynorsk.
Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.
Kontaktperson for stillingen
Om bedriften
Statsforvaltaren har eit heilskapsansvar for all statleg verksemd i fylket, og skal følgje opp vedtak, mål og retningslinjer frå stortinget og regjeringa. Vi skal dessutan fremje fylket sine interesser, og kan dermed ta initiativ både lokalt og overfor sentrale styringsmakter.
Statsforvaltaren kjenner kommunane, og er i kontakt med mange enkeltmenneske i ulike situasjonar og livsfasar.Vi jobbar heile tida for at omverda skal oppleve Statsforvaltaren som tilgjengeleg, nær og løysingsorientert.
Statsforvaltaren i Vestland er ein spennande arbeidsplass med seks avdelingar og kring 280 tilsette. Vi har delt lokalisering mellom Leikanger, Bergen og Førde – med hovudsete i Leikanger.
Sektor
Offentlig