Vi søker nye medarbeidarar til IKT-gruppa ved Avdeling for medisinsk biokjemi og farmakologi

Vi søker to engasjerte medarbeidarar til IKT-gruppa ved Avdeling for medisinsk biokjemi og farmakologi (MBF)

IKT-gruppa består i dag av seks tilsette, og arbeidskvardagen omfattar mellom anna IKT-støtte og rettleiing til alle seksjonane i MBF, samt til andre avdelingar i Laboratorieklinikken. Tett samarbeid på tvers av avdelingar i Laboratorieklinikken, mot kliniske avdelingar i Helse Bergen og regionalt samarbeid i Helse Vest er sentralt for vidare utvikling.

MBF er ei av totalt åtte einingar i Laboratorieklinikken ved Helse Bergen, og har om lag 370 tilsette. Avdelinga er organisert i 12 analytiske og 4 ikkje-analytiske seksjonar, tre legegrupper (seksjon for medisinsk biokjemi, Hormonlaboratoriet og seksjon for klinisk farmakologi), samt NAPOS, NOKLUS Vest og RELIS. Vi utfører analysar innan medisinsk biokjemi og klinisk farmakologi ved hjelp av moderne analyseinstrument.

I tillegg til omfattande rutinedrift med døgnkontinuerleg vaktordning, driv avdelinga aktivt med forsking og utviklingsarbeid. Laboratoriet er akkreditert etter ISO 15189.
Avdelinga nyttar laboratorieinformasjonssystemet Unilab, i samarbeid med andre laboratorieavdelingar i Helse Bergen og laboratorium i Helse Vest. Systemet har eit breitt spekter av integrasjonar mot analyseinstrument og andre IKT-system.

Vi ser etter deg som er ein lagspelar, trivst i eit aktivt arbeidsmiljø og ønskjer å bidra til eit godt samarbeid og eit positivt arbeidsmiljø. Hos oss er tillit, ansvar og sjølvstende viktige verdiar.

Ledige stillingar:

Stilling 1: ledig frå 01.09.2026
Stilling 2: ledig frå 15.09.2026

Arbeidsoppgåver

• Drift, vedlikehald og vidareutvikling av laboratorieinformasjonssystemet Unilab
  – inkludert testing av nye versjonar og integrasjonar, rapportgenerering, oppdatering av systemdata ved endringar og utarbeiding av dokumentasjon og prosedyrar
• Delta i implementering og integrasjon av analyseinstrument, mellomvare og anna teknisk utstyr
• Bidra til drift og vedlikehald av avdelinga sine IKT-system
• Vere ein fagleg rådgjevar i val av IKT-løysingar ved innkjøp av nytt utstyr
• Delta i arbeid med kvalitetsutvikling og kontinuerleg forbetring i avdelinga
• Medverke i og leie IKT-prosjekt basert på kompetanse og erfaring
  – til dømes tverrfaglege prosjekt, nasjonale prosjekt og prosjekt knytt til laboratorieinformasjonssystemet
• Delta i og eventuelt leie arbeidsgrupper internt i avdelinga, i Laboratorieklinikken og regionalt
• Andre relevante arbeidsoppgåver må påreknast
• Blodprøvetaking kan vere aktuelt

 

Kvalifikasjonar

• Utdanning og/eller erfaring innan IKT kombinert med norsk autorisasjon som bioingeniør er ønskjeleg
• Alternativt relevant IKT-utdanning og erfaring, med føresetnad om vilje til å opparbeide kompetanse innan laboratoriedrift
• Bioingeniørar med stor interesse for og gjerne erfaring med IKT i laboratoriemiljø vert også oppmoda til å søkje
  
• God munnleg og skriftleg framstillingsevne på norsk og engelsk
• Generelt gode datakunnskapar

Personlege eigenskapar

• Fleksibel, omgjengeleg og serviceinnstilt, med gode kommunikasjonsevner
• Evne til å arbeide både sjølvstendig og i team
• Bidrar positivt til eit godt fagleg og kollegialt arbeidsmiljø
• Har god fagleg vurderingsevne og arbeider strukturert og målretta
• Tek ansvar for eigne oppgåver, viser initiativ og deler gjerne kompetansen sin med andre
• Handterer periodar med høgt arbeidstempo og press på ein god måte
  

Vi tilbyr

• Grundig opplæring og god innføring i arbeidsoppgåvene
• Lønn etter avtale
• Arbeid i eit fagmiljø med høgt kompetansenivå
• Eit engasjert og inkluderande arbeidsmiljø med dyktige og stolte medarbeidarar
• Dagstilling med føreseielege arbeidstider
• Gode pensjons- og forsikringsordningar
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Line Agledal, Seksjonsleiar, 95214025, mailto:line.agledal@helse-bergen.no
Ingunn Børø, Sjefbioingeniør, 99235074, ingunn.boro@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5134299580
Stillingsprosent: 100%
Fast
Søknadsfrist: 18.06.2026