ID 1067 Helsefagarbeider/Miljøarbeider- Eining for habilitering Nattevakt

Eining for habilitering yter tenester til menneske med nedsett funksjonsevne. Me har hovudkontor i Havnahuset bu- og servicesenter, og tilbyr mellom anna heildøgns omsorgstenester i tre bustader og dagtilbod til tenestemottakarane våre.

No har me ledige stillingar som helsefagarbeidar/miljøarbeidar på natt. Nattevaktene har ansvar for oppfølging av både tenestemottakarar innan habiliteringstenesta og bebuarar i omsorgsbustad.

Ledige stillingar

• 70 % fast stilling -- nattevakt ved Havnahuset bu- og servicesenter

• 22,2 % fast helgestilling -- nattevakt ved Havnahuset bu- og servicesenter

• Inntil 70 % stilling -- nattevakt/avlastning i privat heim med oppfølging av barn

Ved Havnahuset går tilsette i turnus med arbeid kvar fjerde helg.

Kven søkjer me?

Me har mange dyktige medarbeidarar i eininga, og søkjer no etter ein helsefagarbeidar/miljøarbeidar som trivst med å arbeida både sjølvstendig og i team. Du har arbeidsglede, likar utfordringar og er løysingsorientert i møte med ulike situasjonar.

Me ønskjer at du

• er fagleg trygg, engasjert og har godt humør

• har interesse for habilitering og målretta miljøarbeid

• er strukturert, pliktoppfyllande, ansvarsbevisst og påliteleg

• kan handtera travle periodar på ein god måte, samstundes som du evnar å skapa ro og tryggleik

• er god til å skapa relasjonar og samarbeida med brukarar, pårørande og kollegaer

• bidreg til omsorg, tryggleik, livskvalitet, aktivitet, trivsel og meistring for brukarane våre

• yter tenester av god kvalitet i tråd med gjeldande lovverk

• bidreg til eit godt arbeidsmiljø og har evne til både å gje og ta imot kollegarettleiing

Personlege eigenskapar vil bli tillagde stor vekt ved tilsetjing. Erfaring frå tilsvarande arbeid er ønskjeleg.

Kvalifikasjonar

• Autorisasjon som helsefagarbeidar eller annan relevant helse- og sosialfagleg kompetanse.

• Erfaring frå habiliteringsarbeid og målretta miljøarbeid er ønskjeleg.

• Førarkort klasse B (manuell gir).

• God norsk framstillingsevne, både munnleg og skriftleg.

• Grunnleggjande digitale ferdigheiter.

• Ved tilsetjing må det leggjast fram politiattest av ny dato.

Me kan tilby

• Ei meiningsfull og variert stilling der du får vera med og gjera ein forskjell i kvardagen til brukarane våre

• Varierte arbeidsoppgåver i eit tverrfagleg og engasjert fagmiljø

• Eit inkluderande og godt arbeidsmiljø med dyktige og støttande kollegaer

• Moglegheiter for fagleg utvikling og kompetanseheving

• Løns- og arbeidsvilkår i samsvar med gjeldande kommunalt avtaleverk

• Gode pensjons- og forsikringsordningar gjennom KLP

Dersom du ønskjer å verta unnateken frå offentleg søkjarliste, må dette grunngjevast i søknaden. Opplysningar om søkjaren kan likevel verte offentleggjorde, sjølv om det er bede om unntak frå søkjarlista. Søkjar vert varsla dersom ønsket om reservasjon ikkje vert teke til følgje.

Kontaktpersonar

Lillian K. Vik
Einingsleiar
Telefon: 97 46 62 96
e-post: libe@fitjar.kommune.no
Tilgjengeleg fram til 17. juli

Kristin Vestbøstad
Avdelingsleiar
Telefon: 90 36 42 53
e-post: krve@fitjar.kommune.no
Tilgjengeleg frå 20. juli