Klinisk pedagog/spesialpedagog

Poliklinikken i Ålesund (BUP) har eit breitt samansett og spennande fagmiljø som tilbyr differensierte behandlingstilbod til barn, unge og familiane deira. Personalet vårt er samansett av fleire yrkesgrupper og er organisert i tverrfaglege generalistteam. I tillegg har vi eit akutt ambulant team, sped- og småbarnsteam samt ulike ressursgrupper som tilbyr spesialisert behandling for mellom anna OCD og angst (bl.a. etter 4-dagar modellen), spiseforstyrringar, traumer, psykose m.m.

Er du ein erfaren pedagog (klinisk pedagog/spesialpedagog) med interesse for, og kvalifikasjonar innan arbeid med psykiatriske tilstandar og funksjonsforstyrrelsar hos barn og unge med ei særskilt interesse for arbeid med de minste barna? Poliklinikken (BUP) Ålesund har ledig stilling for deg!

Oppstart etter nærare avtale med seksjonsleiar.

Vi ber om at attestar og vitnemål vert scanna og lasta opp som vedlegg til din CV.

Arbeidsoppgåver

• Ta del i tverrfagleg utgreiing av ulike psykiatriske tilstandar som fell under Psykisk helsevern si prioriterte målgruppe
• Behandling og oppfølging, inkludert rettleiing til foreldre
• Utadretta verksemd må påreknast, dette i form av rettleiing til skule/skulehelseteneste, PPT og andre aktuelle samarbeidsinstansar

Kvalifikasjonar

• Vi søkjer etter ein klinisk pedagog
• Utdanning som spesialpedagog kan óg vurderast, det vil då vere krav om gjennomført master
• I tillegg vil erfaring frå psykisk helsevern i spesialisthelsetenesta, ev. frå kommunehelsetenesta vere ei forutsetning
• Erfaring frå undervisning i skule eller barnehage vil vere ein fordel

Personlege eigenskapar

• Du må ha evne og vilje til samarbeid og omstilling
• Du vert kontinuerleg involvert i fag- og organisasjonsutvikling, og det er forventa aktiv deltaking og sjølvstendig initiativ i denne utviklingsprosessen
• Du har stor arbeidskapasitet og evne til å strukturere eigen arbeidskvardag innanfor avtalt arbeidstid
• Du vert ein del av eit tverrfagleg team i seksjonen, og det å vere personleg eigna vil mellom anna bli vurdert opp mot evne til samhandling

Vi tilbyr

• Sterkt tverrfagleg samarbeid
• Ein inkluderande arbeidsplass med mange kjekke kollegaer så vel som eit sterkt fokus på kontinuerlig fagutvikling
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Inger Ann Berge, Seksjonsleiar, 70167200, inger.ann.berge@helse-mr.no

Arbeidsstad

Geilebergvegen 20
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 4973954676
Stillingsprosent: 100%
Fast
Søknadsfrist: 15.06.2025