Rådgjevar – nemnd for studentsaker og kvalitetssikring av utdanningar

OsloMet - storbyuniversitetet er Norges tredje største universitet med 23 000 studenter og over 2600 ansatte. Vi har campus i Oslo sentrum og på Romerike. OsloMet leverer forskning og utdanning med høy relevans for arbeidslivet, velferdsstaten og storbyregionen.

Søker du ei meiningsfull rolle i utdanningsforvaltning?

Vi har ledig stilling som rådgjevar i seksjon for analyse og kvalitetsutvikling, i avdeling for utdanning. Avdeling for utdanning har hovudansvar for opptak, eksamen, internasjonalisering i utdanningane, utdanningskvalitet, studentsystem, digitale læringsressursar, studentstøttetenester og studentadministrasjon.

Dette er ei stilling for deg som har høgare utdanning og ønsker å jobbe med eit breitt spekter av saker innan studieadministrativ forvaltning. Du vil få god opplæring gjennom å jobbe saman med to juristar i sekretariat for nemnd, og i anna arbeid vil du samarbeide med personar som har lang erfaring frå forvaltning i høgare utdanning. Stillinga gir rom for vekst og å ta på seg større meir komplekse og sjølvstendige oppgåver etter kvart.

Seksjon for analyse og kvalitetsutvikling har 8 tilsette som jobbar tett saman, deler kunnskap og løyser oppgåver på tvers. Seksjonen har ansvaret for OsloMets felles regelverk på det studieadministrative området, OsloMets kvalitetssystem, statistikk og analysearbeid, samt overordna oppfølging av studieporteføljen. Du vil få bidra til ei breidde av avdelinga sitt arbeid med utdanning.

Vi har som regel mange parallelle arbeidsoppgåver i seksjonen. I mange av oppgåvene jobbar vi mot tydelege fristar, så du må kunne organisere din eigen arbeidskvardag og ta ansvar for det du skal levere. Mange av oppgåvene våre løyser vi gjennom samarbeid og vi deler kunnskap med kvarandre. Du vil møte forventingar om å bidra til godt samarbeid og faglege diskusjonar, og til å drive effektiv og presis saksbehandling.

Godt samarbeid både innanfor seksjonen, i avdelinga og med kollegaer ved fakultet vil vere avgjerande for å lykkast i stillinga. Vi støtter oss på kvarandre sin kompetanse for å levere gode tenester og ha eit godt arbeidsmiljø. Miljøet er prega av høg kompetanse, konstruktiv dialog og rom for fagleg utvikling.

Dei viktigaste arbeidsoppgåvene dine vil vere

• saksbehandling for nemnd for studentsaker ved OsloMet (ca. 11 møter i året)
• saksbehandling ved revidering, etablering og nedlegging av studium
• utarbeiding av saksframlegg til utdanningsutval og styre
• delta i høyrings- og utgreiingsarbeid

Andre oppgåver kan leggast til stillinga.

Vi ser etter deg som har

• universitets- eller høgskuleutdanning, fortrinnsvis mastergrad
• gode skriftlege evner til å samanfatte og uttrykke vurderingsgrunnlag og vurderingar
• evne til å lese dokument i samanheng og vurdere dei opp mot regelverk
• gode norskkunnskapar og engelskkunnskapar, skriftleg og munnleg

Det er ein fordel at du har

• erfaring med saksbehandling, gjerne frå offentleg sektor
• erfaring frå universitets- og høgskolesektoren
• erfaring i å bruke digitale arbeidsverktøy, som arkiv og saksbehandlingssystem

Vi ønsker deg som

• har gode kommunikasjons- og samarbeidsevner
• er open for å lære og utvikle deg
• jobbar strukturert og resultatorientert
• raskt set deg inn i regelverk og kontekst
• er løysingsorientert og bidrar til å forbetre rutinar
• tek initiativ og driv arbeid framover

At du er personleg eigna for stillinga vil bli tillagt vekt.

Det er viktig for OsloMet å spegla menneska i regionen og vi ønskjer alle kvalifiserte søkarar velkomen. Vi arbeidar aktivt for å utvikla oss vidare som ein inkluderande arbeidsplass og for å leggje til rette arbeidsplassen dersom du har behov for det. Har du periodar i livet kor du ikkje har vore i arbeid, utdaning eller opplæring er du også velkomen til å søke hos oss.

Vi kan tilby deg

• spennande jobb på Noregs tredje største universitet
• god opplæring gjennom tett samarbeid med kompetente kollegaer
• ei stilling med rom for fagleg og personleg utvikling
• eit godt og inkluderande arbeidsmiljø prega av samhandling og delingskultur
• arbeidsstad sentralt i Oslo
• låne- og pensjonsvilkår i Statens Pensjonskasse
• fleksibel arbeidstid og gode velferdsordningar

Stillinga blir lønna i samsvar med Hovudtariffavtalane i staten og OsloMets lønnspolitikk i rådgjevar 1434, tilsvarande kroner 502 300 – 667 700 per år. For særskild kvalifiserte søkarar kan vi vurdere høgare lønn. Frå lønna blir det trekt 2 prosent i lovfesta innskot i Statens Pensjonskasse.

Søknadsprosess

Vil du søke på stillinga må du søke elektronisk i rekrutteringssystemet vårt. Innan søknadsfristen må du lasta opp følgande dokument:

• søknadsbrev
• CV, attestar og alle sider av vitnemål
• gjerne kontaktinformasjon til to referansar

Vi behandlar berre søknader sendt via vårt elektroniske rekrutteringssystem og alle dokumenter må vere lasta opp for at vi skal behandle din søknad. Dokumenta må vera på eit skandinavisk språk eller engelsk. Omsettingar må vera autoriserte. Dersom du vert innkalla til intervju må du visa fram originalen der. OsloMet gjennomfører kontroll av dokument, slik at du som kandidat skal få ei reell evaluering og ein rettferdig konkurranse.

OsloMet kan gjere bakgrunnssjekk for å verifisere opplysningar i CV og tilgjengelege dokument. Vi gjer ikkje bakgrunnssjekk utan samtykke frå søkar. Om dette gjeld deg, vil du få meir informasjon.

Andre opplysningar

Dersom du ønskjer meir informasjon om stillinga, kan du ta kontakt med:

• Kyrre Matias Goksøyr, seksjonssjef, tlf. 672 35 830, kyrremat@oslomet.no  
• Håkon Solberg, utdanningsdirektør, tlf. 456 62 232

OsloMet er EU sertifisert HR Center of Excellence for Charter & Code for forskere som støtter karrieremuligheter, mobilitet og arbeidstaker rettigheter for forskere.

OsloMet har sluttet seg til prinsippene og forpliktet institusjonen til å følge anbefalingene i DORA-erklæringen (sfdora.org) (The San Francisco Declaration on Research Assessment).

Ansettelsen blir gjennomført etter prinsippene i statsansatteloven og lovverk som regulerer eksport av kunnskap, teknologi og tjenester. Søkere som er i konflikt med dette regelverket vil ikke anses kvalifisert for stillingen.

Besøk OsloMet på LinkedIn, Facebook, Instagram